[A:123]sras sku drin kho nar sems/ /gur mgon chos srung sprin bzhin 'du ba'i sa/ /bsam gtan rang bzhin 'phel ba ya mtshan gnas/ /bka' gdams ri ba'i sgom khang ri khrod du/ /dkon mchog bzang pos spyan drangs zhabs kyis bcags/ /srung mar phrin bcol rab gnas me tog gtor/ /sku yi snag dpon 'jam dbyangs chos kyi rje/ /rgyal tshab mdzad de nges gsang chos 'khor bskor/ /rgya nag gong ma ta ming chos rgyal gyis/ /snyan pa gsan nas gdan 'dren byung ba'i tshe/ /mkhyen rab chos rje'i lung bstan thugs bzhag nas/ /chos kyi 'od zer gzhan phan cher dgongs nas/ /tshab tu btang bas rgyal pos ti shrIr bkur/ /gser khang nub kyi khrir bzhugs chos 'khor bskor/ /khyad du 'phags pa'i rten gsum du ma dang / /las zhwa 'dzam gling rgyan dang las gos la/ /padma stong ldan khyad du 'phags pa'i ber/ /gser srang lnga brgya las grub dam kha dang / /tshe srid la sogs ming 'dzin bco lnga bskos/ /sa dkar dang mtshungs lung dang 'ja' sa gnang / /dpag par dka' ba'i longs spyod dang bcas te/ /'jam dbyangs chos kyi rgyal po'i drung du phul/ /de mthun sne'u gdong nas gong ma'i lung / /ji bzhin bkur nas chos gzhis sogs kyang stsal/ /bla brang bco brgyad lcang lo can du grags/ /rdo rje 'chang dbang blo gros rgyal mtshan dpal/ /mkhyen rab rje dang rje btsun kun spangs pa/ /tshar chen la sogs mkhas grub du ma yis/ /byin brlabs dam can sprin bzhin 'du ba'i gnas/ /kha'u brag rdzong nyid dang dbyer med pa'i/ /dben gnas