[A:124]sgom khang du yang gur mgon dang / /yum chen 'dod khams dbang phyug las mgon sogs/ /legs par bzhengs te rgyal ba'i bstan pa dang / /de 'dzin rnams kyi mgon skyabs srungs shig pa'i/ /dam bsgrags 'og min zhing nas chos srung rnams/ /dngos su spyan drangs bstim par mdzad pa yi/ /las bzhi mtha' dag bsgrub pa'i phrin las bcol/ /sku zhang legs pa mched la sras gnyis 'khrungs/ /bsod nams lhun grub khrir pheb chos 'khor bskor/ /gcung po lha dbang rdo rjes srid bskyangs shing / /de sras dang po 'dren mchog chos kyi rje/ /mchog legs rdo rjes mkhas grub du ma bsten/ /gdan sar pheb ste dam chos rgya chen stsal/ /skal ldan 'gro rnams smin grol lam la bkod/ /gnyis pa rin chen dpal 'byor gdung 'dzin pa'i/ /sras kyi thu bo bdag gi 'dren pa ni/ /mtha' yas shes bya'i chos kun mkhyen brtse'i gter/ /rab 'byams dkyil 'khor kun gtso he ru kaH /ngur smrig bstan pa'i rgyal mtshan 'dzin mkhas pa/ /dpal 'byor bzang po'i gzi 'od cher 'bar ba/ /'jam dpal dbyangs dngos kun dga'i mtshan can gyis/ /kun mkhyen chen po'i mi 'jigs seng ge'i khrir/ /mnga' gsol zab dang rgya che'i chos 'khor bskor/ /mtha' yas 'gro rnams sangs rgyas sar bkod de/ /mchog gi go 'phang brnyes nas phan bde stsol/ /byang chub sems rgyud ldan pa'i rta mgrin dang / /lugs gnyis la mkhas sgyu rtsal ge sar la/ /'gran par nus pa'i dpa' bo tshe dbang dang / /rig sngags 'chang ba 'jam dbyangs pa dang bzhi/ /bar pa'i sras la rje dpon rin po che/ /dkyil 'khor rgya