[A:125]mtsho'i dbang phyug ngur smrig 'chang / /'dod rgyal rnam sprul ngag gi dbang po mchog /gong ma'i rgyal tshab bstan pa'i rgyal mtshan 'dzin/ /phrin las lhun grub skal ldan rjes 'dzin byon/ /a ho ngo mtshar rigs kyi chu gter las/ /son pa'i mkhas grub yid bzhin nor bu'i phreng / /chos srid rgyal mtshan gtsug na mdzes pa 'di/ /skye rgu'i legs byas dpal las gzhan du ci/ /mtho mtho'i rigs kyi lha lam yangs pa'i ngos/ /mkhas mkhas dam pa'i snang brnyan tsha zer can/ /mang mang rim par shar ba'i phrin las kyi/ /bzang bzang mdzad pa'i gzi byin brjod las 'das/ /cha tsam mdzad pa rang rang rnam thar du/ /yod mod bdag 'dra'i blo gros ches rtul bas/ /mi shes ngal dub yi ge'i tshogs ches pas/ /zur tsam brgyud pa'i nges khungs tsam du bkod/ /rnam dpyod rigs kyi lhun sdug gangs ri las/ /'ongs pa'i mes po'i chu klung dal babs rgyun/ /mi nyams bdag yid lus rten 'dzin ma ru/ /'khyil ba'i gtam rgyud blo ldan rna bar mdzes/ /zhes rigs rus kyi rgyu mtshan 'god rgyun 'dug pa ltar tshigs su bcad de nyung bsdus su bkod pa'i brgyud pa de las byung ba'i bdag gi yab rje sbas pa'i rnal 'byor/ khu bo chos kyi spyan ldan gyi mched zla tha chung rim gnyis zab mo'i thugs dam gyis dus 'da' zhing / dbang bskur ba dang 'gro don du gshegs pa na lha rnams kyis dga' ston du me tog gi char dang / 'ja' 'od kyi gur sogs ltas ngo mtshar ba dang / /lha 'dre gdug pa can rnams kyis gtsos pa'i rigs la bden brdar gyis