[A:387]bshad pa'i rnam bshad 'khrul spong rab gsal bdag chen rdo rje 'chang gis mdzad pa sogs yi ge mang po'i lung / dbang gi ye shes la log par rtog pa dgag cing lta ba skyon med du bsgrub pa'i phyir lta ba 'khor 'das dbyer med kyi dmigs khrid shin tu zhib pa/ bskyed rim gyi dmigs khrid sems 'dzin dang bcas pa shin tu zhib par rdzogs 'phral/ lam dus kyi dbang bdag chen rdo rje 'chang gi yig cha'i thog nas phul/ bum dbang gi nang bskyed rim dang / 'pho ba bar do'i bar thams cad mkhyen brtse'i zin bris bzhin dang / bum dbang gi rmi lam/ bar do/ /dbang gong ma gsum gyi khrid rigs brgya'i khyab bdag khams gsum chos kyi rgyal po lnga pa chen pos mdzad pa ltar bdag byin rlabs rlung gtum mo drod rtags kyi khrid/ pho nya'i lam zhes pa 'dus pa bar pa dkyil 'khor 'khor lo 'byung bzhi lugs 'byung lugs ldog tu bsgom pa/ khams 'dus pa tha ma skyon med gnyug ma ye shes kyi khrid dam/ rba rlabs gsum gyi khrid dang bcas pa'i dbang bzhi re re la'ang lam/ lta ba/ grub mtha'/ 'da' kha ma/ bar do/ rmi lam/ sgyu lus dang bcas pa dbang po rab 'bring tha ma'i lam tshang ba sla bcos dang bshad yams su ma song ba'i myong khrid du phul zhing / de dag gi cha lag tu/ bdag med ma'i byin rlabs/ lam sbas bshad/ lam zab phyi nang / bir srung phyi nang / rnam 'joms bir lugs/ brda chig brgyud/ brda don gsal ba/ sgrub pa lung byin/ bla ma rin 'byung / tshar gsum khug pa/ gsang bcu'i rgyas gdab kyi bar yongs su rdzogs pa rje btsun gong ma dang 'jam dbyangs mkhyen brtse'i yi ge las ji