[A:389]he ru ka /ngur smrig bla gos 'dzin pa zhwa lu pa'i/ drin las thub bstan yongs rdzogs nyams len 'di/ /bum pa gang byor thob pa kho bo tsam/ /da lam thams cad mkhyen pa mkhyen brtse'i zhabs/ /rang bstan spel phyir bsam bzhin sprul pa'i gar/ /legs bsgyur rigs dbon mkhyen brtse rab brtan la/ /zab chos yongs rdzogs bdag po nyid la sprad/ /a ho skal bzang snod ldan blo gsal rnams/ /yongs rdzogs gdams pa'i snying po bstan zin gyi/ /'di snang tshe 'di'i bya bas ma g.yengs par/ /rtse gcig nyams su long zhig snying gi bu/ /rang bzo'i bshad yams bsgrigs pa'i zla zer gyis/ /snod ldan yid kyi 'dab ma ci zhig bzhad/ /slob bshad nyin byed snang ba 'di shar tshe/ /blo gsal snying gi pad dkar rang dbang ci/ /gsung ngag gi chos ra zhag lnga drug tsam nas tshugs rtsis nas/ zla gcig lhag tsam gyi ring nad ro ldang ba ya mar babs pa'i sems mi bde ba sogs lhongs che bar byung skabs/ nyan po nas grub pa'i dbang phyug chos rje rin po che bzhugs yod pas tshe dbang brgya rtsa/ rta mgrin/ phyag rdor/ 'byung 'dul/ rnam 'joms byab khrus gnang zhing / dbon rin po ches mdzod pa dang / gnyer pa ngag dbang la bslab ston gnang sde bka' 'gyur sogs chos sgrogs/ bskang ba brgya rtsa kha shas/ brgya bzhi/ gtor chen sogs rim gro'i rigs dang / 'tsho mdzad don grub chos zhu bar yod gshis sman gyi 'phrod bsten mdzad pa dang / rin sdings nas tsha mo chos mdzad ma gnyis kyis gtsos btsun ma rnams kyis rten 'byung byas pas rim bder song / mthong snang la