[A:169]rtogs pa bdun dang ldan pa'i sgo nas rdul tshon gyi dkyil 'khor du dbang bzhi yongs su rdzogs pa/ rgyud gsum gyi khrid kyi rigs glegs bam dang / pod dmar ma gnyis kyi lung / nang bskyed rim gyi sngon 'gror lus kyi dkyil 'khor du dbang bskur ba/ gsang dbang gi sngon 'gror mkha' spyod gtso mo'i sindhu ra'i dkyil 'khor du byin rlabs/ bir srung / lam zab kyi khrid sngon du 'gro ba'i byin rlabs/ thun mong ba grol dbang la grub thob chen po'i lugs kyi tshe dbang bcas grub pas thams cad kyi blo'i re ba yongs su gang bar gyur to/ /de 'phral chos sde chen po dpal ldan 'bras sbungs su rigs brgya'i khyab bdag rgyal dbang thams cad mkhyen pa chen por phyag dbang zhu ba dang / po ta lar sa dbang chen po'i mjal khar phyin/ sde srid sku zhabs kyi mjal kha zhus/ bslab ston ltar 'bras spungs su mjal kha phyag dbang rgyas shing / dri ba zhib tu stsal/ mgon po phyag drug pa'i dbang bzhi byin rlabs kyi tshul tshar chen gyi yig cha'i thog nas smin rgyas stsal/ gnang sbyin dpangs mtho ba bka' drin bskyangs te lha sar 'byor/ thon phyag zhus/ bdag rkyen gzhan dang mi 'dra ba bka' drin bskyangs te rang gnas su sleb/ dus dran mchod pa sogs chos sde chen po'i lugs gnyis kyi 'phral sel nged rang dang dgon khag so sor gcung ren po che pheb ste grwa rigs yon bdag so so'i 'dod kha skong bar mdzad// ! shing lug lor gong ma chos kyi spyan ldan gyi gdung la rang byon du byung ba ring bsrel nang gzhug khrod la ma song