[A:170]bar lag tu yod pa rnams khams sog gi stabs phyi 'khyar byung dogs bcas rten bzhengs shig byed rtsis bcas sprul pa'i bzo bo lta bu'i glang thang sprul sku nor bu rgyal mtshan bos te/ 'jim pa la rgya bod kyi gnas chen rnams kyi sa sna/ rdo sna/ mkhas grub du ma'i byin rten mang ba/ gtso bor gong ma nyid kyi gdung rus/ ring bsrel/ dbu lo/ na bza'/ gdung thal/ sman sna/ gser dngul sogs rin po che'i rigs rnams bsres shing / gdung rus la chos skyong rnams kyi sku mang tsam byon pa yod gshis dar 'dam las grub pa'i lcam dral lha gsum/ bram gzugs/ rab brtan ma/ rnam sras rnams bzhengs bkod kyi las grwa btsugs shing / mgon chen la rgyug mtho lnga lhag tsam/ gzhan rnams khru re lhag tsam bzhengs pa'i rus shing tsher ma can la/ gri lcags/ gri snying / gri sha /gri khrag sogs rdzas rnams 'dzom par byas te/ thun mong ma yin pa'i 'khor lo sgrub pa sogs phyag bzhes ltar dang / gtso bo gur gyi mgon por gong ma nyid kyi sku tshigs bdun par dbu klad babs par gur mgon gyi sku 'bur dod du byon pa ring bsrel gyis gtams pa dang / thugs dam las bzhengs dus byang sems shangs gnyis las babs pa kha btags la sbags pa/ tshems dang / dbu lo bub/ 'phags pa rin po che'i thugs dam rten gur mgon 'khor bcas rdo nag las grub pa dang / yum chen la gong ma'i tshems la thub pa grong khyer ma ring bsrel gyi drwa bas spras pa/ dbu thod kyi dum bur 'bru gsum byon pa/ 'dod khams mar gong ma'i dbu