[A:116]kyi 'khor lo bskor te 'gro ba rnams sangs rgyas kyi sa la 'god pa'i gnas 'phags yul rdo rje gdan nas dpag tshad brgya bgrod pa na byang chub sems dpa' lag na padma'i zhing / byang phyogs kha ba can gyi sa'i lte ba pho brang chen po'i ri bo gru 'dzin dang / /ra sa 'phrul snang gi gtsug lag khang dang zung du 'brel ba dang nye ba'i cha/ sngon rgyal blon byang chub sems dpa' rnams dang / slob dpon chen po padma badzra dang / dam pa sangs rgyas sogs skyes chen dam pa rnams kyis byin gyis brlabs shing sgrub pa'i gnas dang / lo tsA ba ka cog zhang gsum sogs skyes chen du ma'i gtsug lag khang dang / kun dga' ra ba du mas gang ba phan bde'i 'byung khungs su gyur pa'i 'phan yul gyi khrags gsum gyi gong ma chos rgyal srong btsan sgam po dang / rgya bal gyi btsun mo bzhugs pa'i sa rgyal po lung dang btsun mo lung zhes grags pa dang / sngon rdzogs pa'i sangs rgyas 'od srung gi 'khor dgra bcom pa lnga brgya 'ja' lus su chos skur gyur pa'i gnas deng sang kyang dung dang gaNDi'i sgra thos pa bka' gdams kyi dge ba'i bshes gnyen rnams kyi bzhugs gnas/ khyad par bdag chen rdo rje 'chang dang / rdo rings pa chen po/ tshar chen gsum gyi sgrub gnas/ rdo rje 'jigs byed dang / rnal 'byor mas byin gyis brlabs shing chos srung rnams sbrin bzhin du 'du ba'i gnas bya bzang lhun grub bde chen dang mi ring zhing / zhang sna nam gyi gtsug lag khang bzhengs skabs/ gnas der 'gro ba la phan bde 'byung ba'i smon lam mdzad de brag la phyag brdabs pas/ brag