[A:117]gas nas gser gyi byams pa khru gang pa zhig byon pa thugs kar ting nge 'dzin sems dpar bzhugs su gsol ba'i byams chen dang nye sras 'khor bcas bzhugs pa'i khrags gong ma'i gnas kyi gtso bo lug lhas gser gyi lha khang dang nye ba na/ rgyal ba 'brom gyi zhabs kyis bcags shing dge ba'i bshes gnyen ri mkhar ba'i gnas bsam 'grub ri mkhar du rigs rus dge ba zhwa lu dpon chen gyi brgyud pa yin tshul sogs rgyu mtshan cung zad brjod par ni 'di skad du// ! nyer len mngal skyes srid pa'i sgor zhugs phyin/ /rang rang rigs kyi brjod tshul cung zad tsam/ /mchog dman lus can skye bor yod mod phyir/ /snga rabs rigs kyi gling slong mtshar du ci/ /'on kyang gdong dum phal la dri bsung gis/ /byugs te bzhi mdo'i tshong 'dus skye bo'i mir/ /bsngags brjod tsandan gyis bskul zol zog gi /che khyad rin thang len 'dod ma lags par/ /'od gsal 'chi med lha yi lding khang las/ /'ongs pa'i mes pho gnam lha spyi rings nas/ /bdag gi yab rje sbas pa'i rnal 'byor bar/ /ma nyams rigs kyi che ba drang po'i gtam/ /dam pa'i phyag srol la 'dren 'di skad do/ /'od gsal lha dbang gom rtse rgyal po yi/ /klu bza' khab bsten nyi zer 'phrul rgyal byung / /de sras bdun byung thu bos gnas skas las/ /babs te stag gzig rgyal po mche phreng grags/ /sras gsum byung ba'i dang po bar lo yi/ /hor yul la gshegs hor gyi rgyal por gyur/ /bar pa nan los rgya nag rgyal srid bzung / /me long gdong zhes 'dzam gling sum gnyis bskyangs/ /gsum pa