[A:118]da rgan zhang zhung rgyal por gyur/ /'gro rnams bder bkod bod yul yar klung byon/ /'jig rten dbang phyug srong btsan nang blon mdzad/ /de nas lo tsA dznyA na siddhi yis/ /'jam dbyangs chos rgyal khri srong bka' bzhin du/ /bstan dang 'gro ba'i dpung gnyen mkhan slob gnyis/ /spyan drangs lha srin kun btul zab yangs kyi/ /sa btul gtsug lag khang bzhengs rab gnas mdzad/ /rgyal po dgyes te gser gyi yi ge thob/ /dam chos sgyur ba'i lo tsA ba yang mdzad/ /mched zla khyi 'brug gis kyang khri srong dang / /rgyal po sad na legs kyi nang blon mdzad/ /sgra dang tshad ma'i bstan bcos du ma bsgyur/ /dznyA na'i sras la tag ra tag nu dang / /bzang to re nu gnyis byung dang po yi/ /nang blon mdzad cing phyi ma kha blon gyur/ /gcung sras lha sbyin khri ral nang blon mdzad/ /rgyal po dgyes te ha ho gangs bzang nas/ /phyug po yur ba gdong yan nyang lung gnang / /lha khang brgya rtsa bzhengs te bka' chen bzhi'i/ /che ba'i las ka brtsams te nyang stod phyogs/ /rang gi pho brang brtsigs nas bde skyid stsal/ /de yi rigs las zhang blon sogs drug gis/ /gtsug lag khang bzhengs kha blon mdo blon mdzad/ /zhang blon sras ni dpal lo de yi sras/ /khri bzang de rigs srag sher bstan khri dang / /de rigs khrom sher ldong khri bya ba byung / /de'i sras stag gi rgyal mtshan 'chang khri gnyis/ /dang por g.yu thog sgra sogs sras bzhi byung / /gnyis par g.yu 'bum la sogs gsum byung ba'i/ /che sras lce btsun shes rab 'byung gnas te/ /skyes mchog 'di yis lo ston chen po yi/ /nye gnas mdzad