[A:491] rtses dong 'bras spungs gling pa sogs phyogs 'dus sum cu skor dang / chos sde rang gi rdo rje slob dpon sogs gnyug mar gnas pa lnga bcu skor khyon dril brgyad cu skor la 'jigs bral dpal ldan birWa pa'i bzhed srol dus gsum gyi bde bar gshegs pa thams cad kyi gshegs shul skal ldan smin grol gyi lam la 'khrid par byed pa'i gdams pa gsung ngag rin po che lam 'bras bu dang bcas pa'i gdams ngag slob bshad du grags pa shin tu rgyas pa snang ba gsum gyi dus gsung ngag rin po che'i zin bris gsang chen bstan pa rgyas pa'i nyi 'od kyi gsung ngag byung tshul gyi zin bris kyi steng nas rtsa ba'i bla ma yan chad kyi rnam thar bshad pa yongs su rdzogs pa ngag thog nas phul/ dngos gzhi'i ma dag pa'i snang ba/ nyams kyi snang ba/ dag pa'i snang ba gsum gyi khrid shin tu rgyas shing mtha' chod nges/ rgyab rten bla ma brgyud pa'i rnam thar ngo mtshar snang ba/ zhib mo rdo rje/ zhib mo rnam 'thag /brgyud pa so so'i rnam thar cha tshang ba bcas zhag nyi shu skor dang / de nas brgyud pa'i khyad par gnyis ldan gyi sems bskyed/ maNDal tshom bu lnga pa la brten pa bdag chen rdo rje 'chang gi yi ge sor bzhag gi steng dang / tshar chen rin po che'i gsung rgyun zin bris steng nas slob ma rjes 'dzin phyag len rgyas par phul/ de nyin kha ba shin tu che ba ri klungs thams cad dung dkar phyis pa lta bur babs pa snyan brgyud kyi bstan pa dar ba'i rten 'brel phun sum tshogs par gyur/ de nas bdun phrag gcig gi bar bde ldan du bsnyen pa kha gso bum pa la brten pa slob bshad pa'i