[A:105]rmor chen rje'i gsol 'debs sha lo ka gcig gi mthar/ drin can bla ma'i zhabs kyis byin gyis rlobs/ /zhes chag med mdzad pa dang / dus phyis chos sde rmor dgon ma lag gsum du zla rer bla mchod chag med dang / she'u grong du zla rer mkha' spyod ma'i sgrub mchod/ bsam yas rab byung bar kye rdor dang / 'phags sder mkha' spyod ma'i sgrub mchod rnams 'dzugs par mdzad pa sogs la rje de nyid thugs dgongs yongs su rdzogs par mngon te/ bka' las/ rnam dkar gyi bgyi ba mtha' dag rdo rje 'chang de nyid kyi dgongs pa rdzogs thabs kho nar bsngos pas/ nub gcig rmi lam du/ dam pa de nyid 'khyags thog zhig la zhabs 'dred 'ong la khad lta bur pheb byung bas nged kyis rngul gzan 'khyags thog tu bting ba'i steng la gdan 'dren zhus pas pheb bde zhing thugs mnyes pa'i tshul mdzad pa zhig byung bas/ gnyid sad nas dges tshor dpe med byung zhes rje ngag la gsung 'dug pa 'di la dpag na/ nges don du rmor chen rje de nyid la skyon yon gyi rtog pa ci la mnga'/ drang don kun rdzob tsam du dus gsum du bla slob gnyis lhan cig tu 'brel zhing / rmor chen rje 'o brgyal gyi tshul bzhes na de la nges par rje 'di nyid kyis zhabs tog sri zhu yang dag par mdzad pa'i mtshan mar mngon no/ /de dag gi don bsdu na/ sdom gsum dpal 'dzin bzlas brjod pha rol son/ /gnas brtan mkhas grub mjal zhing zhal bcud gsol/ /skal ldan rjes bzung dam pa'i dgongs pa bsgrubs/ /gnas gsar mkhas btsun bzang po'i rnam thar yin/ /zhes so/ / ! bzhi pa la thun mong ba spyir bstan pa