[A:9]tshon sna tshogs pa dang 'phrad na de dang de'i kha dog mdzes pa 'dzin pa ji lta ba bzhin gdul bya rnams kyi khams dang bsam pa dang dbang po'i rim pa dang mthun par sprul pa'i gzugs kyi rnam rol bgrang bar dka' ba ji snyed pa dag tu ston pa ste/ ji skad du/ mdo las/ rgyal pos 'dul ba la rgyal po/ dge sbyong gis 'dul ba la dge sbyong / bram zes 'dul ba la bram ze/ dri zas 'dul ba la dri za rgan po'i gzugs su sprul to/ /zhes pa dang / sangs rgyas mnyam sbyor las/ res 'ga' zhi la res 'ga' khro/ /res 'ga' bgegs chen don mdzad cing / /skye dang ri bo thams cad do/ /zhes dang / rdo rje gur las/ gang du snang nas kyang sems can gyi don mdzad do/ /seng ger snang nas kyang sems can gyi don mdzad do/ /chang 'tshong ma dang smad 'tshong mar snang nas kyang sems can gyi don mdzad do/ /zhes dang / ye shes thig le las/ la lar he ru ka yi gzugs/ /la lar rgyud dang bstan bcos ni/ /mdzad dang la la ru ni 'dzin/ /zhes dang / zla gsang thig le las/ nga yang 'dod dang gzugs mchog tu/ /sangs rgyas kun gyi byin gyis brlabs/ /ngas kyang chos kyi sku mchog tu/ /sangs rgyas thams cad byin gyis brlabs/ /zhes dang / sambu Ti las/ kha cig tu ni byang chub chen po'i lam/ /kha cig tu ni byang chub spyod rjes 'brang / /kha cig tu ni byang chub mngon byang chub/ /ces dang / brtag gnyis las/ /'chad pa po nga chos kyang nga / /rang gi tshogs ldan nyan pa nga / /