[A:271]ma 'ongs pa mkhyen pa'i gsung kho nar nges/ phyag 'dzod gzims chung phyir thon pa dang / blo gsal rab rgyas la mdangs rmi lam du cung ri bo che ba'i grwa rigs du mas snga phyi bar gsum gyi lugs gnyis kyi gtam du ma gleng ba zhig byung gsungs bar/ de ci lags zhus pas/ ci yin mi shes zhes sba bar mdzad/ de nas btags grol dang mgul gab rnams phud nas dbu thog tu thogs gsungs pa bzhin dbu thog tu btags/ thugs ka'i thad der ltos dang zhes gsungs par sku 'ching bkrol nas bltas pas sngar dang mi 'dra ba ni gang yang mi 'dug /rjes su byas tshe dbyar dus su song ba dang thugs dam la bzhugs gshis sgul skyod ma thub dogs na bza' srab pa dang sku 'ching 'grol ched du sems zhes gleng / de nas nyi ma nub par nye ba na dgong thun gyi mkha' spyod dbang mo'i thugs dam nan tan stsal/ blo gsal rab rgyas kyis ljags bzlas ha cang mang na sku rlung skye shas kha zhus pas/ de kha byed gsung / de nas bzhugs gdan srab mo zhig gi steng du na bza' sku 'gags sku g.yogs rkyang pa dang bcas/ dgung lo nga bdun bzhes pa lcags 'brug zla ba drug pa'i tshes bcu drug gi srod 'khor snga cha tsam nas zhal shar du gzigs/ sku drang por bsrang / zhabs skyil krung / phyag mnyam gzhag gi ngang nas/ rgyal yum rdo rje btsun mo'i nye lam la brten nas kun rdzob gzugs sku'i bkod pa don dam chos sku'i dbyings su snyoms par zhugs so/ /de nas phyag mdzod 'jam dpal gyis sngon nas zhal bzhes bzang po stsal ba'i don bzhin spyir sangs rgyas kyi bstan pa dang / bye brag rje