[A:37]'gyur ba yin pa ni rnam thar de nyid du gsal bar ma zad/ chos rgyal gter bdag gling pa'i rdor sems thugs thig gi kha byang lung bstan las/ gnubs ban nam mkha'i snying po ni: rgyal lam bsod nams ming 'dzin paH sogs kyis gsal bar bstan cing / yang khyab bdag bka' 'gyur ba dang / dpal sa skya'i 'jam mgon a mes zhabs gnyis thugs rgyud gcig pa ni/ gong du bshad pa'i bka' 'gyur ba'i rnam thar de nyid du/ me bya lo sa skyar pheb pa'i 'phros las/ gzhi thog tu zhabs drung rin po cher mkha' 'gro sun zlog dang 'brel ba'i brtan bzhugs rgyas par phul nas/ dgung lo brgyad cu rtsa lnga'i bar du bzhugs pa'i bka' bzhes zhus par/ mkhan po rang bstan don la dgongs nas de tsam bzhugs na ni nga rang de ga bgyid/ de min nged rang gnyis lhan du 'gro ba yin/ pheb pa'i gnas tshul rje bla ma 'bras spungs su pheb dus gsung 'phros gnang 'dug cing / sa phag hor zla dgu pa'i tshes bcu bzhi la dam pa 'di dang / bcu gcig pa'i tshes bcu gnyis la bdag chen rin po ches me tog 'thor ba la dpag na bla ma rnam gnyis sprul gzhi gcig las bstan 'gro'i ched du spro bsdu mdzad dgos par sems/ zhes gsungs pas na rnam 'dren dam pa de gnyis dbyer ma mchis shing/ rgyu mtshan de nyid kyi phyir 'jam mgon a mes zhabs kyi 'khrungs rabs su/ byang sems rgya bod mkhas grub ji snyed gsung pa rnams khyab bdag bka' 'gyur ba chen po'i sku phreng du'ang 'gyur zhing / de nyid bdag cag gi rnam 'dren dam pa 'di nyid du sku'i skye ba bzhes pas gong du