[A:45]khri mtho zhes bya bar sras drug byung ba ni dbra 'bru ldang gsum sga dang bzhi/ nu bo dpa' rda gnyis dang drug byung ba la/ che rgyud gong nas ma shor ba/ /phu bo ldong gi mi rgyud yin/ /zhes gsungs pa'i phu bo ldong las gyes pa la rus chen bco brgyad yod par grags te/ /rlangs kyi po ti bse ru las/ /che ba smug po chung ldong la/ /che drug btsan drug rgyud pa byung / /nga che rus chen bco brgyad yod/ ces gsungs pa'i bco brgyad kyi dang po'i nang gses las brgyud pa mang du 'phel ba'i/ lcog rtse/ lcog ro/ 'bro/ khyung po/ zangs dkar/ 'a zhwa ste drug gis mnga' ris skor gsum bzung bar bshad pa'i 'a zhwa ste/ rgyal srid bon bzhin skyong ba'i rgyal po zhig yin pa la/ bod spyi la dbang ba'i rgyal po gnya' khri btsan po'i mnga' 'bangs su gyur te/ rje dang gnyen bsres pas dpon zhang du song / bon gyi grub thob sha stag tu byung zhing / bla'i mchod gnas su bkur ba'i che gnyen btsun gsum 'dzom pa'i rgyal po'i gdung dri ma med pa las rim gyis byung ba lags/ chos lugs ltar 'chad na/ 'jam dpal rtsa ba'i rgyud las/ nga ni 'das nas lo brgya na/ /kha yi ljongs su mtsho bri nas/ /sA la'i nags ni 'byung bar 'gyur/ /zhes gsungs pa ltar/ bod yul 'di nyid dang po chus yongs su gang ba las rim gyis bri ste sA la'i sman ljongs su gyur pa'i stod du glang po dang ri dwags/ bar na ri dwags dang spre'u/ smad na spre'u dang brag srin gyis bzung ste gnas pa las/ 'phags mchog phyag na padmo dang rgyal yum phrin las lha mo'i thugs rje'i 'jug pa mchog tu zab pas/ spre'u dang brag srin mo 'dus pa las mi'i 'gro ba byung zhing / de dag las