[A:56] las skar bya ma'am me bzhi dang dgyes rgur rtse ba'i 'chi med grub pa'i sbyor ba'i dus/ sbyor chung stobs ldan/ sbyor ba 'phrod chen/ yid la dpal thob sbyor ba/ skal ba phun tshogs/ byed pa biShti/ rten 'brel ming gzugs/ nyi ma me stag /spar kha li/ sme ba bdun dmar/ dus tshod tho rengs lcags stag /dus spar khen/ dus sme dgu smug /dus sbyor byed pa'i gza' dkar po/ tarkal sdig khyim ste/ dgug pa'i las 'grub pa'i dus tshes bzang por padma 'dam las skyes kyang 'dam gyis ma gos pa bzhin du ngo mtshar ba'i ltas du ma dang bcas te sku bltams ma thag rigs dang yul gyi lha mchod pa la sogs pa dga' ston rgya cher mdzad cing / mtshan bsod nams dpal 'byor du gsol lo/ /rnam 'dren dam pa 'di nyid kyi sku mched kyi gras ge re'i lcam la sras mo nor 'dzom rgyal mo dang / bsod nams 'phrod skyid/ de 'og tu lcam chung gnyis bcas byung ba las/ sngon ma gnyis rtsis dpon nor 'dzin dbang po'i lcam mdzad/ de 'og gra sdum por byon kyang sku na phra mor gshegs/ de 'og yar lung bkra shis mthong smon du byon pa'ang gshegs nas/ da lta sku mched kyi gras bsod nams 'phrod skyid bzhugs so/ /de dag gi don bsdu na/ 'dzam gling yul dbus gangs can g.yas ru'i char/ /lha rigs 'a zhwa'i rgyal blon mkhas grub gdung / /glan gyi cho 'brang gis mdzes dge ltas bcas/ /gnas gsar 'jam mgon bla ma'i 'khrungs tshul yin/ /zhes so/ /gnyis pa la rgyal sras gzhon nu'i dus thos bsam gyi sgo nas yab mes kyi chos la gsan sbyangs ji ltar mdzad pa'i tshul/ rgyal tshab dam par mnga' gsol te mchog gi bla