[A:84]las la lnga tshang dgos te/ bsko ba'i yul dge slong gcig /sko mkhan dge slong bzhi tshang dgos pa'i gnad kyis yin zhing / mdo rtsar/ skal pa dang ldan pa'i rang bzhin can la bar chad ma dris par 'ong ngo / /zhes pa ltar gsang ston med na dge slong bzhis chog pa'i gnad ma go bar bab col ma mdzad cig /ces thams cad mkhyen pa klu sgrub rgya mtsho'i rnam thar gsung rtsom ma las tshig cung zad bsdus nas bkod pa yin la/ mang thos klu sgrub rgya mtsho nas brgyud pa'i sa paN gyi sdom rgyud khyad par can de dpal sa skya'i chos grwa chen por ji ltar byung ba'i tshul ni/ 'jam mgon a mes zhabs kyi rnam thar phun tshogs bdud rtsi'i char rgyun las/ de nas sngags 'chang bla ma thams cad mkhyen pa chen po 'di nyid dgung gi 'jal byed lnga bcu rtsa bdun du pheb pa/ rnam rgyal zhes pa chu mo sbrul gyi lo gsar du shar ba na/ mdo khams nas a li chos rje grwa bu slob mang po dang bcas/ 'jam dbyangs bla ma nyid dang / gdan sa chen po mjal bar 'byor/ lha khang chen mor mang ja brgyad tsam bskol zhing / ja dang ras la sogs pa'i gral 'gyed mang po btang / bdag nyid chen por ja gos dar la sogs pa'i 'bul nod rgya chen po sgrub cing shin tu gus par gyur/ rje btsun dam pa 'dis kyang chos dang zang zing gi longs spyod lhug par stsal nas/ de dag gi re ba'i yol go yongs su khengs par gyur to/ /dgun thog der gtsang gram pa rgyang nas mkhas pa chen po mang thos blo gros rnam rgyal gyi rje dbon rin po che mang thos grags pa rnam rgyal la gdan sa chen po 'dir 'jam pa'i dbyangs sa paNDi ta chen po nas brgyud pa'i bsnyen rdzogs kyi sdom rgyun zhig nges par dgos rgyur snang ba spel ba'i mkhan po'i 'os rigs