[A:85]su khyed che bar 'dug pas/ bstan pa soms la myur bar spyon zhig ces pa'i bka'i spring yig gser gyi shing rtas legs par drangs te/ dpal sa skya'i dbu rtse snying ma'i dri gtsang mchog tu chos kyi rje de nyid kyis mkhan po mdzad de/ dge 'dun grangs tshang bas cho ga rnam par dag pa'i sgo nas/ chos grwa lho byang gi dge ba'i bshes gnyen mang por/ kha che'i bsod snyoms pa chen po shAkya shrI bha dra nas/ 'dzam gling byang phyogs kyi thub pa chen po 'jam mgon sa paNDi ta la legs par brgyud pa'i yongs su rdzogs pa dge slong gi sdom pa yang dag par 'bogs pa'i mthun pa'i cha rkyen bzang po nye bar sbyar te/ dkar phyogs kyi lha klu sa gsum na gnas pa thams cad dga' ba'i zlos gar la ngom pa med par rtser bcug go /zhes 'byung la/ sdom rgyun de nyid gong sa rdo rje 'chang lnga pa chen po'i bzhed tshul ni/ 'jam dbyangs bsod nams dbang phyug gi rnam thar snying gi bdud rtsi las/ chu mo glang gi lor mkhan chen kun spangs pa chen po rin chen bsod nams mchog grub dpon slob rnams rnam 'dren dam pa 'di mjal bar pheb ste zhabs brtan 'bul ba dang gong sa thams cad mkhyen pa'i gsung rtsom gong ma yab sras kyi zhabs brtan/ 'jam dbyangs gdung brgyud myur 'byon gyi smon lam dang bcas pa de 'dus tshogs su 'dzugs par mdzad cing / zab chos mang du gsan/ lhag par thub bstan lha chen gyi mkhan po byams pa bsod nams bkra shis dge 'dun grangs tshad dang bcas pa'i dbus su/ sa skya paNDi tas bsnyen rdzogs kyi sdom rgyun bzhes te ma 'gyangs par rgyal dbang thams cad mkhyen pa chen po la phul ba'i rgyun de nyid deng sang rgya bod hor