[A:412]bzhes yong re dang / yab rje mchog nas kyang gsung ngag slob bshad gnang shag gi mur brag rtsa rdo rje 'chang dang / thub bstan mkhan chen tshul khrims bzang po'ang byon pas mkhan chen la sngar nas rkyen sel zhu mu bzhin tshe dbang gur drag khro bcu'i rjes gnang sogs gsan zhing / gzim chung nas khyogs la gdan 'dren zhus dus mkhan chen des ag gsung ba dang spyan chab mdzad/ de dus gsung 'phros rang bzhin gyi skabs nged nas chos rnams ma 'phrod pa byung na thar rtse dang / brag rtsa ba sogs la zhus shig gsungs/ tshes bcu gsum par sku khams res 'jog dang de nas je zhan gyis spyi sger nas zhabs brtan sku rim rnams bstud mar mdzad mu'i bcu dgu nas thugs dam nyams bzhes rnams sngar las yun ring bar mdzad pa dang / mgul glo dang mnal yer ba sogs la glo gcog mnal 'gugs kyi gto dang / rje rdo rje 'chang nyid la ljags sngags 'bul dgos kyi bka' bzhin la thugs 'tsher shin tu che ba 'khrungs kyang / bla ma mnyes byed gang yin bya/ /zhes dang / sems dge ba la nyes pa med/ /ces sogs thugs mtshor dgongs te man ngag sdud sud nas 'byung ba'i sngags dang gto sogs yang dag mdzad/ nyer bzhi'i nyin bzhugs g.yab tu bzhugs skabs bzhugs stan phyogs bzhir bsgyur gsung ba bzhin mdzad dus spyan nam mkhar had kyis gzigs/ de skabs rje rdo rje 'chang sku mched yum mchog rnams nas spyi sgos bstan pa rin po cher dgongs nas zhabs pad brtan dgos kyi gsol 'debs mdzad pas/ 'dun pa gang drag bgyid gsungs pa las gzhan ci yang bka' ma stsal/ de dus snron zla'i mchod 'bul nyer lngar mdzad skabs yin pas chos grwa lho byang nas kyang zhabs brtan gsol 'debs dang / rje rdo rje 'chang nyid kyi mgon des zla rer chag med gnang ba'i gur drag phrin gzhung bka'