[A:311]pa phan yon can gyi rtogs pa brjod pa la/ skyes chen dam pa rnams kyis sku skye ba mchog gi ngos 'dzin dang rje rdo rje 'chang nyid kyis zhal bzhes mdzad tshul/ 1 de nyid gnas dang rigs rus cho 'brang phun sum tshogs par gzigs te phebs tshul/ 2 'khrungs ma thag nas dgung grangs bcu gcig yan sku gzhon nu'i dus kyi ngo mtshar mdzad pa'i cha rnams lo khams dang sbyar te go rim bzhin du ston pa/ 3 khams gsum chos kyi rgyal po'i gser khri rin po cher dbang bskur te bstan pa dang 'gro ba'i phan bde rlabs po che spel tshul/ 4 /zhing 'di'i gdul bya re zhig rdzogs te mthar sku zhi ba mchog gi dbyings su thim te dgongs pa zab mo rdzogs thabs rnams mdzad tshul dang lnga las/ dang po la/ skyabs mgon 'khrul pa'i dri ma phra mo tsam yang zad par spangs pa'i skyes chen dam pa rdo rje 'chang de nyid kyi gsung gis mdor bstan pa dang yid ches bskyed phyir de rnams kyi rnam par thar pa cung zad bshad pa'o/ /dang po ni/ 'jam mgon grub pa'i dpa' bo de nyid kyi gsung rtsom gro bzhin zla ba'i badzra kI la ya'i dkyil 'khor sgrub mchod kyi skabs gang gi rigs sras dam pa 'jam mgon dbang gi mtshan can nyid kyis gsung bshad bka' drin che dus kyi 'go rgyang las/ 'di ltar 'byung ste/ 'jam mgon a mes zhabs kyis dpal sa skya pa'i gdung rabs myur 'byon gsol 'debs las/ ngag dbang lha yi ti la ka las 'khrungs/ /'gro kun dga' mdzad bkra shis 'byung ba'i gnas/ /zhes sngags 'chang kun dga' bkra shis dang / ngag gi dbang po kun dga' blo gros mtshan/ gsung ba ni nged rang yin pa'i sgrub byed gdung rabs zhal skong lhun grub rgyun khyongs na/ blang dor gsal ba'i me long gi sbyar byang lung 'dren dang bcas shin tu gsal ba bris yod do/ /legs bshad bye ba ngag lam nas spel ba/ /mkhas dbang kun la