[A:441]'khor zo chun 'khyud/ /thar pa'i dkyil 'khor gtso bo'i he ru kas/ /gdon bgegs 'joms pa'i las kyi gshin rje gsum/ /pho nya'i snga rol ye shes dbyings gzigs nas/ /slar yang mdzod 'dzin byas shes drin gzos drangs/ /zhes kyang smras so// // ! dgung grangs nyer gcig tu phebs pas sbrul rgyal zlar spang shar bla mar rdo rje phur pa'i dbang dang grub rgyal lugs kyi tshe dbang / de'i gnam gang nas bzung bdun phrag gsum gyi bar lha chen sprul pa'i ganbho la'i steng gi sngags 'chang bdud kyi stobs 'phrog ngag dbang kun dga' rin chen gyi gzim spyil po Ta la smon gnas yid 'ong tshal du/ gur gyi mgon po'i phyi 'khrid brag rdzong ma thun mong dang thun mong ma yin pa'i rtsal 'don bcas mdzad pa ni/ dbyig gnyen gyis/ tshul gnas thos dang bsam ldan pas/ /sgom pa la ni rab tu sbyor/ /zhes gsungs pa bzhin/ thos pas phyi'i sgro 'dogs bcad/ de rjes bsam byung gi dpyad pas dag par mdzad de ji bzhin sgom pa'i ngang la thugs gzhol zhing / tshar chen rin po ches/ rten gyi dkyil 'khor gsang ba'i dam rdzas dang / /rab zab bsad dang bskyed pa'i 'khrul 'khor dang / /zab gsal ting 'dzin ma nor gsang ba'i sngags/ /rtse gcig 'bad pas bsnyen sgrub mthar phyin shog /ces gsungs pa'i 'bras bu mngon gyur gyi 'grub rtags kyang gsal bar 'khrungs pa zhes thos lags/ 'khrid 'di nyid rje bla ma gnas gsar pa'i drung du gsan skabs mnal lam 'od gsal gyi ngang du bka' rtsom 'di ltar yang mdzad do/ /kha'u brag rdzong nag po'i ri khrod du/ /zab don du ma'i 'byung gnas chos kyi rje/ /se lo