[A:316]snyam nas gzigs pas/ rigs drug gi gnas nas sems can chang gar ma'i sbang ma lta bur nyung ngu ma song bar 'dug pas/ da ni sems can 'khor ba'i rgya mtsho las sgrol bar mi nus so snyam nas spyan chab shor ba/ phyag gi srin lag gnyis kyis blangs te gtor nas/ ma 'ongs pa'i dus su spyan chab gnyis kyis kyang 'gro ba'i don byed par shog cig /ces smon lam btab pas/ sum cu rtsa gsum lha'i yul du/ lha'i dbang po brgya byin gyi sras mo gnyis su 'khrungs te/ lha'i bu mo gang ma dang / gang chung ma zhes bya ba gnyis su gyur pa'i/ gang chung mas lha'i me tog brkus pas lha'i khrims rnam par dag pa nyams nas/ mi'i gnas su lhungs pas/ de bzhin gshegs pa 'od srungs kyi bstan pa la/ bal po ma gu ta'i yul grur/ pha bya rdzi gsal ba dang / ma bya rdzi ma bu rna zhes bya ba'i bu mo/ /bya rdzi ma bde mchog ma zhes bya bar skyes te bya 'tsho ba'i las byed do/ /de'i tshe rta rdzi/ phag rdzi/ khyi rdzi/ bya rdzi ste rigs ngan bzhi dang bshos pas/ bu bzhi skyes so/ /de nas mas bya 'tshos pa'i gla bsags nas/ bu bzhi yang khyim pa rab thang du phog /slar yang gla'i lhag bsags nas/ bsam blor nor mang po rnyed pa 'di kun la snying po len pa'i phyir/ sangs rgyas thams cad kyi thugs kyi rten/ nga rang gi yi dam/ 'gro ba dpag tu med pas bsod nams gsog pa'i zhing / de bzhin gshegs pa'i ring bsrel gyi snying po can gyi mchod rten chen po zhig bzheng par bya'o snyam nas/ rgyal po la sa bslangs te/ kye/ rgyal po chen po lags/ bdag dbul mo bya rdzi mo mi gcig gis bya 'tshos pa'i gla bsags tshul sogs gong bzhin bsnyad de/ sa gzhi gnang bar zhu 'tshal/ de skad ces zhus pa dang / rgyal po chen po rnams ma brtags par bka' mi stsal bas/ re zhig thugs mnyam par bzhag nas