[A:319]su/ bdag ni mngal las ma skyes pa/ me tog padma'i sdong po las rdzus te skyes pa/ skye shi rgyun bcad de tshe nyi zla dang mnyam pa/ nus pas lha 'dre mi gsum 'dul ba zhig tu skyes nas/ mtha' 'khob de nyid kyi 'dre srin gdug pa can thams cad 'dul ba dang / khyed gnyis kyi bsam pa bsgrub cing / sangs rgyas kyi bstan pa mtha' dag bsrung ba'i sngags 'chang nus pa can zhig tu skye bar shog /ces brjod/ de 'og bya rdzis/ ma'i mchod rten la bum pa btags pa'i phan yon gyis/ phu bo khyod gsum 'khyags pa 'khyags yul gyi mtha' 'khob tu/ gcig gis bstan pa 'dzugs/ gcig gis 'dzin/ gcig gis bsrung ba'i dus su/ khyed rnams 'khrungs yul gcig tu 'ong ba'i nges pa med pas/ bdag ni khyed rnams mjal 'phrad byed pa'i bka'i phrin blon zhig tu skye bar shog /ces smon lam btab bo/ /bong bu de'i bsam pa la nga la yang smon lam zhig 'debs te 'ong bsams pa la/ smon lam ci yang 'debs pa ma byung bas/ kho khros nas/ 'khyags pa 'khyags yul gyi mtha' 'khob tu/ kho chos skyong ba'i rgyal por skyes nas sangs rgyas kyi bstan pa 'dzugs pa'i dus su/ de'i tshe nga chos la mi dga' ba'i bka'i blon po zhig tu skyes nas/ rgyal po kho la ci yang bya dbang med pa zhig tu skye bar shog cig byas so/ /de skad brjod pa g.yog pos thos pas/ kho de lta bu'i bdud blon du skyes nas/ chos la bar chad byed pa'i dus su/ de nyid kyi g.yo thabs dang nus pa thams cad bzlog cing 'joms par byed pa'i chos blon thabs la mkhas ba zhig tu bdag skye bar shog cig /ces smon lam btab po/ /yang glang po che de'i bsam pa la yang nga la yang smon lam zhig 'debs te 'ong bsams pa la/ smon lam ci yang 'debs pa ma byung bas/ kho khros nas/