[A:320] sa rdo 'di tsam bskyas pas smon lam ci yang mi 'debs na/ khong rnams kyis btsugs pa'i bstan pa de/ rgyal po de'i bu tsha'am tsha bor skyes te ngas bsnubs par shog cig /ces byas so/ /de skad brjod pa bya ro gcig gis tshor bas/ lhag pa'i bsam pa skyes te/ kho de lta bu'i rgyal por skyes nas/ sangs rgyas kyi bstan pa bsnubs pa'i dus su/ bdag byang chub sems dpa' chen po zhig tu skyes nas bdud kyi rgyal po de nyid gsod par shog cig /ces smon lam btab po/ /de'i tshe de'i dus kyi rta rdzi'i bu ni/ da lta'i chos skyong ba'i rgyal po khri srong lde'u btsan bdag lags so/ /phag rdzi'i bu ni/ da lta'i mkhan po bo dhi satwa 'di yin no/ /khyi rdzi'i bu ni/ da lta'i auDyan gyi padma 'byung gnas bdag lags so/ /bya rdzi'i bu ni/ da lta'i yar klungs kyi sba mi khri gzhir 'di yin no/ /bong bu ni/ da lta'i bdud blon ma zhang khrom pa skyes zhes bya ba 'di yin no/ /g.yog ni/ da lta'i chos blon 'gos padma gung btsan 'di yin no/ /glang po che ni/ rgyal po khyod nas gdung rabs gsum gyi dus su/ bdud kyi rgyal po glang gi ming can zhig 'byung ste/ des ni sangs rgyas kyi bstan pa bsnubs par byed do/ /de'i tshe de'i dus na bya rog ni/ da lta'i lha sras mu rug btsad po 'di yin te/ ma 'ongs pa'i dus su/ bdud rgyal glang gi ming can byung nas sangs rgyas kyi bstan pa bsnubs pa'i tshe/ byang chub sems dpa' lha lung dpal gyi rdo rje zhes bya bar skyes nas/ bdud kyi rgyal po de nyid gsod par 'gyur ro/ /zhes dang / gzhan yang chos skyong ba'i rgyal po srong btsan sgam po zhes 'phags pa lo ki shwa ra dang zhal mi gnyis pa de nyid kyis/ 'phrul snang gi gtsang khang byang mar 'phags pa spyan ras gzigs kyi drung du/ sku'i bkod pa bsdu la khad kyi bka' chems su/ rgyal pos dbon