[A:517]dbyung gzengs bstod dang bcas sa skya pa'i gdung rabs 'byon par lung bstan pa dang / slob dpon bram ze mchog sred kyis sba sder la lcags dkrol ra ma lug gi rgyan btab pa zhig tu gsol ja dron mo stsal ba dang / mkhan chen ngag dbang chos grags mnal lam du 'khrungs tshe mgon des mdzad pa'i pod chen drug gi 'grel par ljags lung zhu 'dod kyis glegs bam rnams myur por bzhes skabs mkhan chen de gar phebs mi snang ba zhig 'khrungs shing / sa gar mi 'khrugs pa'i dbang grub 'phral gsang rgya grol te legs 'bul dang / mi ring bar sman chab la phebs skabs ma mo'i chu gyong ba'i khar nyin gcig chab steng du sbrul zhig la snying rjes kun nas bslangs te ljags phus mdzad pa'i rkyen gyis zhabs mtheb la gzug gzer 'khrungs pas bla sman rgyal tshing nas dreg yin tshul zhus/ je lod kyis mar lam skyed lhas mgon khang la'ang phebs ma bde/ sgang mkhar yum mchog nas dbu mthing bzhes skabs chibs gzhol ba'i tshe zhabs nad sing dngas su gyur pas zhabs phyi kun de gar ha las/ skyes pho mos glu gzhas kyis sngun bsus gdan sar phebs pas zhabs skyon ci yang ma byung ba ni 'phral du 'tshubs kyang 'gyangs min nas thugs 'dod 'grub pa'i la nye bzang bar ma zad dbu mthing bzhes 'phral snyun las grol tshul de bzhin rje nyid 'byung bzhi la rang dbang thob pa'i dgongs gzhi khyad par can no/ /de'i sang nas yang sngar bzhin snyun gzhi des zla phyed tsam bskyed ma bzhes pa'i tshul gyi thugs nyams 'ur te sman bcos rnams cham gyis bskyur nas sngar nas 'od gsal du 'khrungs shing phyis su rjes gnang yang gsan pa 'jam dpal nA ga raksha'i sgom bzlas srung skud bcas mdzad pas/ zhag shas nas klu mang po zhig shi ba'i mtshan ma 'khrungs te snyun las grol ba'i tshul mdzad/ snron zla'i mjug nas zla