[A:332]pa na/ skye dgu kun gyi bsod nams gsog pa'i zhing mchog tu 'gyur bar gzigs te/ au Di yA na'i slob dpon chen po padma saM bha wa zhes/ rgyal ba nyid las lhag par 'byung ba'i lung bstan brnyes pa des/ sa skya mi 'gyur ba'i gzer bzhi zhes rdo rje phur bu lta bus mchod rten bzhi mdzad pa/ dus phyis sngags 'chang bdud kyi stobs 'phrog ngag dbang kun dga' rin chen gyis/ de dag gzungs gzhug tu mdzad de/ phyi nas de dang 'dra ba'i zhabs tog bsgrubs nas deng sang gi bar du kun gyis spyod yul du gyur pa 'di rnams dang / chos kyi rgyal po khri srong lde'u btsan gyi sku thog la/ sangs rgyas sman bla'i rnam sprul/ g.yu thog yon tan mgon por mkha' 'gros lung bstan bzhin/ 'jam dpal gyi sprul pa grub thob yon tan dpal bzang po sa skya'i dan stod du mjal zhing / deng sang gdan sa chen po chags yul 'dir/ de skabs klu shing gra ma ka gdung nyan pa sogs nags tshal gyis gang ba'i khrod du/ byang sems dang paN grub rnams chos kyi bgro gleng mdzad pa gnyis char gyis gzigs shing / 'jam dpal gyi sprul pas sman bla'i sprul pa la/ ma 'ongs pa na 'khon gyi dgon pa 'byung bar lung bstan tshul gyi lo rgyus g.yu rnam bka' rgya ma par mar shin tu gsal ba dang / yang lha bla ma ye shes 'od dang / lha btsun byang chub 'od de chos rgyal khu dbon gnyis kyi thugs bskyed la brten/ phyi dar bstan pa'i nyi ma jo bo rje dpal ldan a ti sha rgya gar nas spyan drangs te/ mnga' ris stod sogs su lo 'ga' bzhugs nas/ rim gyis bshes gnyen 'brom ston pa sogs kyis spyan drangs/ dbus su pheb lam 'brong ngur la zhes deng sang gi bar du'ang sgra bshad ma nyams pa 'di'i rtser byon pa dang / dpon po ri 'di'i ngos la 'brong gnyis rtswa za zhing / ngur sgra 'byin pa gzigs pa bzhin 'khor rnams la bka' stsal/ de ci'i ltas lags