[A:646]pas bzhengs pa la/ sa chen nyid kyis phyag nas mdzad pa de nyid/ skabs shig dbus phyogs su 'khyar ba/ yar klung pa sengge rgyal mtshan gyis nyams gso mdzad de gnas gsar ba rim can gyi phyag tu bzhugs pa khyab bdag bka' 'gyur ba chen po gshegs dus sa skyar bsngo rten du rab byung bcu gcig pa'i lcags byi lor 'jam dbyangs bsod nams dbang phyug gi phyag babs de nyid zhal dbye zhing / sta gon lnga dang / dngos chog drug re bcas rgyas par stsal/ gzhan yang dge 'dun lnga bcu kha yar gyis zhag lnga'i ring kye rdor sgrub mchod kyi sngon 'gror gong ma lnga bstod shlo ka dang po phreng bskor/ yongs rdzogs dang bskang ba rgyas pa la sogs pa dgongs rdzogs mang du bka' gsang gis gdams nas/ nag zla'i nang sde dge sa dbang blo gros rgyal mtshan sogs 'das ma 'ongs rgyal rabs rnams kyi dgongs rdzogs su dngul bre chen 'ga' zhig sbyor 'jags bzhin/ chos sde lho nas nyin gcig la dge 'dun zhal grangs kyis bsags pa'i bzang po spyod pa'i smon lam khri tshar 'gro nges ji srid bar nag zla'i nang mdzad dgos kyi gtor tho lha chen dbu byed kyi debs su 'god par mdzad cing / chos sde byang par ni sman bla sogs so/ /de nas tshal gung thang zhes zhang g.yu brag pa'i gdan sa na/ rje drung rin po che dregs byed kyi tshul bzung ba stobs ldan drag shul dbang po yab yum rje nyid gzhon nu'i dus na yang yang gzigs snang la 'char ba zhig yod gsungs pa des/ gser 'phyang lo'i gung thang zhang mchod gro bzhin tshes brgyad la/ sa skya nas gser gyi spu gri zhags dmar/ rgyal mtshan dgu brtsegs sengge'i mgo tog can dgos tshul bzhin gnang ba'i dus tshes der/ yong don med par snga dro mchod rten bkra shis sgo mang byin can gdugs med zhig la nyams gso'i zhal bkod mdzad dgos dang gshin rje dgra nag gi dkyil thang / yang dkyil thang hrul ba zhig /phor stod rnams glo bur du byung zhing / phur sgrub la phebs thog sku mdun du