[A:335]pa mang na yang / 'dir ni/ daMShtrA se nA'i 'bum TIkka dang / dbyig gnyen zhabs kyi gnod 'joms/ slob dpon 'jam dpal grags pa sogs kyi bzhed pa bzhin/ mkhas pa phal mo che lnga stong du 'thad par bzhed pa dang / de bzhin sangs rgyas kyi 'khrungs rtsis kyang mi mthun pa mang yang / rje btsun sa skya pa'i dgongs pa ni/ lugs kyi bstan bcos zhes bya ba las/ g.yul bstan 'og tu nyis stong dang / dga' byed 'og tu brgyad brgya zhes sogs bshad pa bzhin/ rtsod dus kyi rgyal po skya bseng mched lnga'i gcen g.yul brtan gyis bcos gnyis stong nye ba'i tshe/ bcom ldan 'das shAkya'i rgyal po sa pho 'brug la bltams shing / brgyad bcu me phag la gshegs/ de nas brgya dang so bdun na/ dga' byed 'byung zhes/ rtog ge 'bar bar bshad pas/ slob dpon rin po che bsod nams rtse mo dang / 'jam mgon sa skya paNDi tas 'di la brten nas bstan rtsis brtsams par bzhed cing / des na lnga brgya pa phrag bcu las/ dang por dgra bcom/ gnyis par phyir mi 'ong / gsum pa rgyun zhugs te ye shes khong chud kyi le'u gsum/ de nas lnga brgya pa phrag gsum la rim bzhin/ shes rab/ ting 'dzin/ tshul khrims bslab pa gtsor ston gsum la sgrub pa'i dus kyi le'u zer/ de nas lnga brgya pa phrag gsum la/ mngon pa/ mdo sde/ 'dul ba rnams ston pa mang du 'byung bas na/ lung gi le'u gsum/ bcu pa lnga brgya tha ma la rab byung rtags tsam ma gtogs lta spyod rnal ma med pas rtags tsam 'dzin pa'i le'ur bzhed pa las/ mngon dus kyi lnga brgya pa phrag gcig gi steng nas nyis brgya dang lnga thim/ drug tu sleb pa rab byung dang po'i nang gi bag med ces pa chu mo glang gi lo'i khrums zla'i yar tshes la/ bod kyi rdo rje gdan dpal ldan sa skya 'di nyid/ 'khon ston dkon