[A:336]mchog rgyal pos 'debs par mdzad do/ /de yang 'dzam gling na 'gran pa'i zla thams cad dang bral ba lus can bsod nams gsog pa'i rten gyi gtso bo jo zhal rnam pa gnyis kyi nub phyogs/ 'phags pa'i gnas brtan yan lag 'byung gi bzhugs gnas ti se gangs kyi shar phyogs/ kha ba can gyi sa'i cha 'di la dum bu gsum du gnas pa'i bar gyi cha ru bzhi las/ ru lag gi sa'i cha gtsang stod grom pa/ yul gyi khyad par dge brgyad dam dge bcu tshang ba sogs te/ stag tshang lo tstsha bas/ dge brgyad dge bcu sogs kyi bshad pa'i mthar/ kun tshang dpal ldan sa skya bzhin/ /zhes gsungs pa ltar/ bla ma mnyam med pas/ rdo rje'i rang bzhin rdo rje'i gdan las byang gi 'dabs chags sa yi snying po dpag tshad bcu phrag bcu bgrod pa/ /zhes rdo rje gdan las byang phyogs su dpag tshad brgya bgrod pa'i gnas/ yang de nyid kyi gsung las/ shar ri 'gro ldan spyi gtsug ltar mtho lho na rta mchog rgyug lta'i chu/ /nub ri mtshan ma rma bya'i mdongs ldan byang gi lhun po 'dab bzang ri/ /ri dwags rgyal po bzhad pa'i gdong can dbus kyi sa 'dzin dpal kun 'dzin/ /de phyir rgyal ba'i gdan sa mchog 'di byang chub snying po ma lags grang / /zhes gsungs pa ltar/ shar ri brag chung glang po che'i spyi gtsug ltar mtho ba/ lhor grum chu rta mchog rin po che ltar rgyug pa/ nub chu mig rdzing kha rma bya'i mdongs dang ldan pa/ byang dpon po ri mkha' lding gi gshog pa ltar rgyangs pa/ dbus kyi sa dkar logs 'di ri dwags kyi rgyal po mngon par 'gying ba dang 'dra ba/ tsha zer dbang po 'char snga zhing nub bul ba/ lho phyogs kyi ri rin po che'i phung po brdal ba lta bu/ jo mo stag 'tsher gdugs kyi dbyibs su yod pa sogs bkra shis rtags brgyad/ gnam 'khor lo rtsibs brgyad/ sa padma 'dab brgyad sogs