[A:705]'doms par mdzad pa bzhin/ rgyal bstan rin po che spyi dang / bye brag brtse chen snying po'i lung rtogs kyi bstan pa rin po che yar zla ltar 'phel zhing / bstan 'dzin gyi skyes chen dam pa rnams sku tshe bde ldan mgon po'i rang bzhin du grub ste 'gro rnams bde skyid rdzogs ldan gzhon nu'i dga' ston la longs spyod par 'gyur ro/ /de dag gis ni rigs dang dkyil 'khor rgya mtsho'i khyab bdag /snyigs ma'i dus kyi rgyal ba gnyis pa 'jam mgon mkhas grub dbang po/ /dpal sa skya pa chen po sngags 'chang bla ma thams cad mkhyen pa ngag dbang kun dga' blo gros sangs rgyas bstan pa'i rgyal mtshan dpal bzang po'i thun mong ba phyi'i rtogs pa brjod pa sgro skur kun bral drang gtam las 'bras khungs thub ngo mtshar 'phrul gyi rol rtsed sde bzhi'i 'byung gnas zhes bya ba blo chung bdag gis gang zin phul zin to/ /yang smras pa/ kwa ye mig stong ldan pa nye dbang gtsug gis 'dud cing bsnyen na mgon khyod zhabs pad spyi bor mi mchod ci/ /tshangs sras dgyes pa'i gsung rol 'khrol te tambu'i rgyud du chos kun 'jo na bstod bsngags me tog cis mi 'thor/ /rang byung 'od kyi mdzes ma la chags gdong bzhi sprul na drin can bla ma'i zhal dkyil mjal ba'ang bskal bzang mchog /gtsug na zla bas de nyid thod kyi rgyan du spud de legs par skyong na dam pa'i rtogs brjod su mi 'dzin/ /de phyir gang gi mdzad phrin rgya mtsho che/ /blta 'dod don mthun skye bo mchis so cog /thar lam gru chen 'jug ngogs 'dir zhugs dang / /byin rlabs yon tan nor bu'ang ngang gis rnyed/ /mthong thos dran reg rjes 'dzin lcags kyu yis/ /dam du bzung ba'i nges tshig don ldan du/ /mgon po khyod kyi che ba'i yon tan te/ /des na byin rlabs stsol ba'ang dngos po'i gshis/ /kye ho dgos 'dod