[A:370]bkra shis rab mdzes chu nad kyis mnar bas de mi 'tsho bar mkhyen te gan du yang yang thebs pas rgan mo bsam pa rdzogs/ de 'das pa gsan pas dam pa rnams ni byas pa shes shing drin du gzo ba yin pas na/ spyan chab kyi rnam pa mdzad cing snying rje'i kun slong bsam gyis mi khyab pa 'khrungs/ de tshab dpal rtse sde pas zhabs 'gyur hur bskyed kyis zhus kyang phyis su de nyid la bar chad zhugs nas gdan sa chen po dang ha cang 'brel chags pa ma byung bar gleng zhing gnas gsar rje phebs theng gnyis pa'i skabs so// // ! dgung grangs bdun pa shing yos snron zla'i yar tshes dge zhing bkra shis pa'i tshes brgyad kyi nyin sku yon gyi thog ma/ thon mi sambho Tas/ bslab pa kun gyi gzhi 'dzin cing / /rig byed smra ba rnams kyi rgyu/ /ming tshig brjod pa kun gyi gzhi/ /yi ge'i sbyor ba bshad par bya/ /zhes gsungs pa ltar gyi don dang ldan pa'i kA li ljags klog gi dbu 'dzugs rgyu'i snga dro sgo rum gzim spyil dkar po dang / dbu rtse rnying ma'i 'jam dbyangs gzi 'od 'bar ba mjal bar phebs pas bse mgon chen po'i sku mdun gyi sa stegs steng nas rgya khab gzhan las pa ldabs kyis ring ba zhig /bse mgon yid bzhin gyi nor bus bslu med rten 'brel gyi che bas stsol bar mdzad pa'ang / rje btsun 'jam pa'i dbyangs kyi mtshan la rdo rje rnon por gsungs pa bzhin rje nyid kyi mkhyen rab sU tse'i rtse mo ltar rno bar 'gyur ro/ /zhes gsungs pa'i lung bstan du gor ma chag pas khab de'ang rgyun ring gi bar thugs tshags mdzad cing / yab rje mchog nas ka phreng sogs 'bul gnang skabs tshegs med du mkhyen pa sogs thugs rab kyi bdag por mnga' gsol gyi sgo dang po'ang 'di nas dod de/ ji skad du/ chos kyi ma mo ma bslabs thugs su chud/ /ces pa'i gras su bzhugs shing / de skabs yab rje mchog gis mtshon legs so'i rten 'byung gras gra tog gser gsum gyi glegs bam phyag tu son pa ni/ rgyal ba'i bka' mdo rgyud dgongs