[A:376] bstan srid je mthor rgyas pa'i rten 'brel gyi dar cog sgreng ba sogs dang / mgo zla'i mjug phur bzlog sgrub zhag lnga'ang gnang ngo // // ! dgung grangs bcu gnyis su phebs pa lcags spre'u rgyal zla'i tshes gcig nyin lha mchod sngon 'gro'i skyabs mgon yab sras sku 'khor/ /ban tshang bla rigs sogs dang bcas tshoms chen du dga' ston bzhugs gral sngar rgyun bzhin rgya cher stsal/ tshes gnyis nas bzung rje rdo rje 'chang nyid ban tshang pa'i 'khor tshogs dang bcas mgon khang khag rnams kyi gtor spod skabs yongs grags kyi khag bzhir lha mdung / rnga ril dar cog can kha btags bcas bstan 'gro'i bde skyid dar ba'i thugs smon can gyis 'bul ba mdzad/ tshes gsum nas yab rje rdo rje 'chang gis mgon khang steng 'og /bdud 'dul phug /skyed lhas/ bsam brling dus mchod rnams su phyi sgrom nang gzungs sogs ma tshang ba med pa'i ru mtshon 'dzugs chog /spyi bye brag gi bstan pa dar rgyas yun brtan gyi phrin 'chol gnyer gtad sogs thugs bskyed rlabs po che'i sgo nas sgrub 'dzugs skabs rje rdo rje 'chang nyid kyang phebs/ de nas zla nang de'i yar tshes la gser khri rin po cher mnga' gsol gong / rgyal sras lam bzang gi gsung bshad kyi dga' ston stsol ba la sku na'i stabs thugs spobs sbyang phyir du/ gnas slob bzod pa bkra shis nas bskul ma bzhin gzhi thog bla brang gi shar phyogs khang gsar bsod nams dpal 'byor gling du/ gong gi sku mched 'jam mgon gcung rin po che/ a Ni drung/ yum mchog /rje btsun drung gsum/ gnas slob gsol gzim sogs bcu phrag brgal tsam la tshogs chen mor ji ltar stsol ba bzhin gyi bshad lung nyin gsum ma zhig bka' drin che ba ni sku tshe 'di nyid du chos 'chad mdzad pa'i sgo dang po'i skabs so/ /zla ba de'i nyer gsum nyin