[A:377]'chams mgon bcu dgu spyan 'dren bcas dus mdos kyi tshogs dbur yab sras zung phebs shing / nyer lnga'i nyin snga bar grol nas mnyen chas 'chams lha khang chen mo'i rdo gcal du mdzad/ nyer brgyad nyin las mkhan sgo ma ru 'dren bcas kyi gar 'chams rngam brjid dang ldan pa kun gyi yid 'phrog pa dang / nyer dgu gtor zor 'phangs nas/ gnam gang la chos srung rnams la gtang rag phrin 'chol zung 'brel gyi bskang ba brgya tshar du grags pa dang / hor lugs kyi dbang du btang na lcags spre'u gsar tshes kyi snga dro bstan srung mgon po mnga' gsol rgyas par mdzad rjes gzhi thog pho brang gi tshoms chen mor skyabs mgon dam pa yab sras dkon mchog gi grangs ldan gyi dbu g.yas/ chos grwa nyi zla zung gi bya ba las kyi sne mo ba/ mchod yon rin po che rnams kyi legs skyes stob mi/ gzhan yang gzhis byes kyi ser skya mchog dman 'os babs rnams la lo gsar gyi dga' ston gya nom par bstar zhing / tshes gnyis gsum bzhi rnams la gser khri rin po cher mnga' gsol dngos gzhi'i dga' ston snga ma gnyis kyi tshe yab rje mchog nas gzhi thog pho brang gi yang steng du lha bsangs dang / de nas sngar srol ltar bca' bsgrigs sngon du btang nas/ nyin dang po/ lnga bdo'i mgon po zas gtsang sras pos chos kyi 'khor lo bskor ba'i skabs su lha dbang brgya byin gyis phul ba'i chos dung rin po che dkar po rgyang grags nyi ma rtse shar la gsung bskul gyis/ mkhas pa zil gnon nam/ 'khor lo gsum ldan nam/ chos khrir thang mo che sogs mtshan mchog gsum ldan gyi gser khri rin po che ga la ba'i mdun du/ chos grwa rnam gnyis kyis gtsos sdom brtson sde snod 'dzin pa'i dge ba'i bshes gnyen rnams kyis gral gyi gzhi bzung / skya ser khri