[A:378]phrag longs ba'i tshogs kyi khrod du/ srid zhi'i gtsug rgyan 'jam mgon mi srid bzung ba skuu mched sku mtshan dang dpe byad kyis spras shing lta bas chog mi shes pa sku 'khor dang bcas pa rnams/ 'phags pa rta thul ltar spyod lam dul zhing / tshangs pa'i rgyal po ltar blo gros dang ldan pa'i sgo nas phyags legs par phebs te/ gser khri rin po cher sku gsung thugs 'gyur ba med pa lhan ne lhang nge lham mer phebs bstun gsung rab klog pa maNDal 'bul ba sogs sngar rgyun gyi phyag len bzhin grub 'phral/ gnyis med gsung ba don kun grub kyis rigs can gsum la chos kyi 'khor lo bskor pa'i tshul ji lta bar rje rdo rje 'chang nyid kyis/ sems bskyed gsal 'debs nas brtsams 'jam mgon sa skya paNDi ta chen pos dbus gtsang khams gsum du tshogs chos su legs par gdams pa'i bstan bcos chen po thub pa'i dgongs pa rab tu gsal bar byed pa'i mtshan don nas bsam gtan gyi phar phyin yan chad legs par stsal/ nyin bar mar gong bzhin bca' bsgrigs sngon 'gro'i sngar gyi 'phro nas sku gsum ye shes kyi rnam gzhag yan chad/ nyin gsum par skyabs mgon yab sras gsum char gong gi dge mtshan dang bcas phebs te/ rje rdo rje 'chang nyid kyis sngar gyi 'phro nas mjug gi sbyar byang bar tshang la ma nor ba/ kun gyi yid 'phrog pa gsung 'jam zhing snyan la dag cing gsal ba nye ring med pa tshangs pa'i dbyangs lta bu'i sgo nas der 'dus kun gyi rna ba'i bdud rtsir sim pa/ bsnyengs pa mi mnga' ba'i spobs pa gzengs mtho ba'i ngang nas stsal bas kun kyang dga' bde'i dpal la lhag par sbyar ro/ /de ltar gyi skabs rten 'brel gyi legs skyes phun sum tshogs pa bstar ba ni/ rgyal dbang thams cad mkhyen gzigs mchog nas khyad du mtshar ba'i dgu tshan dgu /sa skyong yab sras nas kyang de bzhin sogs mdor na gzhis