[A:309]zhes dang / lha sku bye ba stong bsgoms pas/ bla ma dran pa bsod nams che/ /zhes dang / bla ma yongs bzung gi rgyud las/ slob dpon yon tan gleng bya yis/ /skyon rnams nam yang ma yin no/ /zhes dang / 'phags pa klu sgrub kyis rim lnga las/ mchod pa thams cad spangs nas ni/ /bla ma mchod pa yang dag brtsams/ /de mnyes pas ni kun mkhyen pa'i/ /ye shes mchog ni thob par 'gyur/ /zhes sogs rgyas par gsungs pa yin la/ /'o na sangs rgyas byang sems sogs mchod yul ji snyed cig las rdo rje slob dpon la bsngags pa phan yon dang byin rlabs che ba'i rgyu mtshan ci'i phyir zhe na/ ba tsha can chu klung gi mdo las/ lnga brgya tha mar gyur pa na/ /nga nyid slob dpon gzugs 'dzin te/ /nga yin snyam du yid byos la/ /de tshe de la gus pa bskyed/ /ces dang / sdong po bkod pa'i mdo las/ byang chub sems dpa' rnams kyis byang chub sems dpa'i spyod pa thams cad thob pa ni dge ba'i bshes gnyen la rag las pa'o/ /byang chub sems dpa'i yon tan yongs su rdzogs par bya ba thams cad dge ba'i bshes gnyen las byung ba'o/ /byang chub sems dpa'i dge ba'i rtsa ba thams cad ni dge ba'i bshes gnyen gyis bskyed pa'o/ /zhes gsungs pa sogs dang / yang / mdor na sangs rgyas dang byang chub sems dpa'i spyod pa thams cad dang / sangs rgyas kyi chos thams cad rab tu thob cing / yongs su 'grub pa ni dge ba'i bshes gnyen kho na las byung ngo / /zhes dang / mkha' 'gro ma rdo rje gur las/ rdo rje sems dpa' lta bu yis/ /de ltar slob dpon gzugs 'dzin te/ /sems can rjes su bzung dmigs nas/ /phal pa'i gzugs su gnas pa'o/ /zhes dang / yang de nyid las/ gang du snang nas kyang sems can gyi don mdzad do/ /sengger snang nas kyang sems can gyi don mdzad do/ /chang tshong ma dang