[A:114]kyi gtsos pa'i bka' chos phal che ba bum pa gang byo'i tshul du stsal bar mdzad do/ /don 'di la brten nas rigs ldan chos rgyal mchog gis mdzad pa'i gsol 'debs las kyang / dga' ldan gnas nas thub pas ma pham mgon/ /rgyal tshab bkod pa ji bzhin rigs kyi dbon/ /zung la mdo rgyud chos kyi bstan pa gtad/ /nyid dang rtogs pa mnyam par mdzad la 'dud/ /ces gsungs par mdzad do/ /gser 'gyur rtsi yi thabs mkhas kyis/ /lcags rnams gser du bsgyur ba bzhin/ /sdug bsngal skyed byed sgyu ma'i nor/ /bsod nams phung por bsgrub pa'i slad/ /brtson 'grus shing rta la chibs nas/ /dbus gtsang dag pa'i mkhar bgrod de/ /sna tshogs mchod pa'i 'od zer gyis/ /yangs pa'i ljongs 'di dog por byas/ /de tshe 'brel tshad thams cad kyi/ /tshogs gnyis pad tshal rgyas pa dang / /lhan cig mu med 'khor ba yang / /mtha' dang ldan pa'i go sar bkod/ /dpag bsam ljon dang 'dren pa khyod/ /'dod dgu yongs su sbyin pa ste/ /de ni bems po'i rang bzhin dang / /mgon khyod mkhyen pa'i bdag nyid can/ /gang gi thugs sras zung dag la/ /chos kyi bdud rtsi rab stsal te/ /lhar bcas 'jig rten thams cad kyi/ /mchod sdong bla na med par bsgrubs// //bzhi pa slar yang bod chen po'i ljongs su byon nas 'gro don ji ltar mdzad pa'i tshul ni/ de nas me mo yos kyi lor mdo khams sde dge'i rgyal khab nas/ chos rgyal chen po tshe dbang rdo rje rig 'dzin pas rje 'di spyan 'dren par u tshe tshe ring dar rgyas dpon 'khor rnams ched du btang ba bzhin/ khong rnams kyang bar chad med par 'dir 'byor te/ khams phyogs su phebs dgos pa'i zhu ba nan tan gyi snying por bgyis te phul ba sogs gang