[A:11]na rnam par snang mdzad gang chen mtsho'i phyag mthil gyi rdul phra rab la gnas pa'i gzhi dang snying po me tog gi rgyan gyis brgyan pa'i zhing khams kyi nang gses/ stong gsum gyi stong chen po mi mjed 'jig rten gyi khams zhes grags pa'i bye brag dbus kyi gling chen po bzhi pa'i 'jig rten gyi khams zhes bya ba las/ lho phyogs 'dzam bu'i gling zhes yongs su grags pa'i zhing 'dir/ bskal pa bzang po 'di la sangs rgyas stong ngam stong dang lnga byon nas 'gro ba dpag tu med pa'i don mdzad par gsungs pa las/ rtsod pa'i dus 'dir bdag cag gi ston pa yang dag par rdzogs pa'i sangs rgyas rnam 'dren bzhi pa zas gtsang sras kyis yul ma ga dha'i byang chub ljon pa'i drung du mngon par rdzogs par 'tshang rgya ba'i tshul bstan nas/ gdul bya rnams kyi khams dang / bsam pa dang / bag la nyal dang rjes su mthun par dam pa'i chos kyi 'khor lo ma lus pa rdzogs par bskor te/ srid pa'i rgya mtsho chen po yang zad pa'i mtha' mngon pa snyam can du mdzad pa sogs mdor na mdzad pa rnam pa bcu gnyis kyi sgo nas/ 'jig rten gsum po mtha' dag bla na med pa'i 'byor pa phun sum tshogs pa'i khur gyis yongs su lci bar mdzad do/ /de'i rjes su sdud pa po rnams kyis bde bar gshegs pa de'i bka' thams cad legs par bsdu ba dang po dang / gnyis pa dang / gsum pa la sogs pa'i sgo nas lung rtogs kyi bstan pa rin po che nub pa med pa'i bdag nyid can du byas so/ /de nas kyang mkhas pa'i cod pan/ grub pa'i gtsug rgyan du gyur pa bsam gyis mi khyab pa byon nas thos bsam sgom gsum dang / 'chad rtsod rtsom gsum la sogs