[A:12]pa'i sgo nas lha dang klu la sogs pa'i gnas 'ga' zhig dang / rgya gar 'phags pa'i yul du sangs rgyas kyi bstan pa shin tu dar bar mdzad pa yin no/ de nas dus re zhig na de bzhin gshegs pas lung bstan pa'i gnas/ ston ka'i zla ba zhu ba'i tshon gyis lan brgyar byugs pa la co 'dri ba'i gangs ri'i phreng bas yongs su bskor ba'i ljongs/ chu gtsang zhing bsil ba'i rgyun du ma 'babs pas nye bar brgyan pa/ 'phags pa 'jig rten dbang phyug gis byin gyis brlabs pas skye dgu rnams kyang rang bzhin gyis snying rje che zhing / blo rgya chen po la mos par gyur pa'i kha ba can gyi ljongs 'dir sprul pa'i rgyal blon byang chub sems dpa' rnams kyis gnas lnga rig pa'i paNDi ta dang / grub pa'i skyes bu du ma spyan drangs te dam pa'i chos kyi dbu brnyes/ srol btod/ dar zhing rgyas par mdzad de/ mdor na bod mun pa'i gling du chos kyi sgron me chen po sbar bar mdzad do/ /de nas dus ring zhig lon pa na chos dang chos ma yin pa rnam par 'byed du med pa'i ma rtogs pa dang / log par rtog pas bsil ldan gyi ljongs phal cher khyab par gyur pa na/ sangs rgyas dang byang chub sems dpa'i rnam par 'phrul pa sgyur byed kyi dam pa gyur pa lo chen rin chen bzang po dang / nag tsho tshul khrims rgyal ba dang / bla ma chen po'i shAkya ye shes dang / 'gos lhas btsas la sogs pa mang du byon nas dam pa'i chos kyi sgo du ma bsgyur zhing gtan la phab pa'i sgo nas 'gro ba rnams yang dag pa'i lam la 'god par mdzad do/ /de'i rjes su yang bod gangs can gyi skye dgu rnams kyi mgon dang / skyabs dang / dpung gnyen dam par de bzhin gshegs pa rnams bsam bzhin du sku'i skye ba bzhes pa sa skya pa zhes gnas las mtshan du grags pa'i rje