[A:123]chos phal che ba lan grangs mang po'i bar du stsal bar mdzad cing / de dag kyang thugs brel sogs ci la thug rung sla chos sogs su gtan nas ma song bar mdzad pa dang / ji ltar gsungs pa'i chos de'ang / tshig gi tshogs gzhan gyis bzung bde zhing rna bar snyan pa dang / don gyi mdo zab cing nges pa'i don la 'bab pa dang / tshig don gnyis ka 'brel chags shing rtogs par sla ba sogs 'chad pa po'i yon tan thams cad tshang bas/ mkhas rmongs kun gyi snying la 'bab cing yid 'phrog pa zhig go /gzhan yang rtsod pa'i sgo nas phas rgol tshar bcad pa dang / phyogs snga ngos bzung nas de dgag pa'i bstan bcos mdzad pa sogs ni mi snang yang / rgyun par chos kyi 'bel gtam mdzad pa'i tshe 'di rnams ni 'thad la/ 'di dag ni mi 'thad pa'o zhes rgyu mtshan dang bcas pa gsungs nas/ skye bo rnams kyi ma rtogs pa dang / logs par rtogs dang / som nyi'i mdud pa thams cad yongs su grol bar mdzad pa'i sgo nas kyang bstan pa la bya ba byas pa yin no/ /gsung rtsom ni rje rang gi zhal nas kyang / spyir mdo rgyud la sbyangs pa sngon du song nas sangs rgyas kyi bstan pa 'ba' zhig yid la bsams nas rtsom pa ni legs mod/ de min rmongs pa rnams kyi rtsam rtsom mang po 'dis/ bde bar gshegs pa'i bka' tshad ma dang / rdo rje slob dpon gyi man ngag tshad ma thams cad 'chal du 'jug pa yin/ nged kyis kyang chung ngu'i dus rtsom pa 'dra kha shas yod rung / phyis su thams cad med par byas pa yin gsungs shing / deng sang ni gsol 'debs kyi skor re gnyis dang / e wa~M pa'i skong gso'i dbyangs dang rnga tshig gi rnam gzhag rgyal bstan mdzes pa'i rgyan mchog dang / legs ldan stag