[A:124]zhon gyi bsang mchod dang / sgrol ma g.yul mdos dang / bdud zlog gi chog sgrigs sogs phran tshegs tsam las mthong rgyu ma mchis so/ /don 'di dag la dgongs nas dpal sa'i dbang phyug chen pos mdzad pa'i gsol 'debs las kyang / de ltar gsung kun dag gsal snyan cing 'jebs/ /rgyas bsdus 'tshams shing gdul bya'i rgyud tshod mthun/ /go sla bzung bde man ngag gnad rtogs nus/ /'chad pa'i yon tan kun ldan de la 'dud/ /ces dang / yang de nyid las/ ma rig log pa'i lam du 'phyan pa rnams/ /lung dang rig pa tshad mas brgal zhing brtags/ /log rtog bsal nas ma nor chos la bkod/ /rtsod pas rgyal bstan gsal mdzad mchog la 'dud/ /rgya che gting dpag dka' ba'i mdo rgyud don/ /gsal byed gzhung bzang rmad du byung ba can/ /gsol 'debs bca' yig dbyangs rol rnam gzhag sogs/ /tshig don phun tshogs rtsom mdzad de la 'dud/ /ces bsngags par mdzad do/ /btsun pa dang bzang ba'i yon tan ni/ spyir rje 'di skuu na chung ngu'i dus nas kha na ma tho ba'i spyod pa ci yang mi mdzad cing / khyad par so sor thar pa'i sgor zhugs te bslab pa rin po che rnams zhal gyis bzhes tshun chad nas/ yongs su mya ngan las ma 'das kyi bar du/ dgag sgrub gnang gsum gyi bslab bya phra zhing phra ba rnams kyang khyad du mi gsod par srog gi dbang po ltar gces par 'dzin cing / tha na zhabs 'bring pa rnams kyis snga rabs da byung lta bu'i gtam zur tsam re gleng na'ang / rje'i zhal nas don med du ngag 'khyal lab nas ci byed/ de bas kha btsum gsungs shing / dgos gnad yod pa'i gtam 'dra dang / chos kyi bgro gleng 'dra ma gtogs don med du skad ca tshig gcig kyang bshad sa med/ sku'i bzhugs tshul dang /