[A:130]mtshan rtog gis/ /nam yang mi brdzi bde stong zung 'jug can/ /rdor 'dzin bye ba'i gtsug rgyan de la 'dud/ /ces sogs dang / gzhon nu'i dus nas rtsa gsum 'dus pa'i dngos/ /ma hA gu ru'i dgyes zhal rgyun par gzigs/ /gsan sbyong gnang tshe phrin las mgon po yis/ /ji ltar bsgo ba'i bka' sgrub de la 'dud/ /ces dang / zhing skyong che sogs bstan srung bran du 'khol/ /dregs ldan 'byung po'i tshogs rnams snying rjes 'dul/ /skye 'pho gzigs sogs sbyor lam rtse mo yi/ /yon tan mchog mnga' grub pa'i dbang por 'dud/ /phyi rol gdos bcas brag la phur bu btab/ /bar du snang ba dkyil 'khor 'khor lor shar/ /srid zhi mnyam nyid 'khor 'das dbyer med rtogs/ /sa drug bzhugs pa'i sems dpa' de la 'dud/ /ces sogs gsung bar mdzad do/ /mkhyen pa'i cha shas yongs rdzogs shing / /'chad rtsod rtsom pa'i bsil zer gyis/ /'jig rten gsum gyi mun pa kun/ /ming gi lhag ma nyid du byas/ /nges par 'byung ba'i tshul khrims kyi/ /nor bu'i khang par gnas bcas te/ /dran dang shes bzhin rnga yab kyis/ /bcas rang nyes pa'i rdul kun bsal/ /mtha' yas 'gro la brtse ba yis/ /nam mkha'i pha mtha' tshol ba bzhin/ /des kyang khyod kyi phrin las ni/ /tshad kyis 'jal ba lta bur gnas/ /gsang chen sdom pa'i rtsa ba brtan/ /rnam grol 'bras bu'i me tog bkra/ /grub gnyis 'dod dgu sbyin mkhas pa'i/ /dpag bsam ljon 'dra khyod las su/ /'ga' zhig smyon pa'i brtul zhugs 'dzin/ /der ni grub pa'i ming gis brgyan/ /gzhan dag dngos grub phran tshegs tsam/ /thob la grub pa'i snyems pa