[A:131]'chang / /khyod ni dam tshig sdom pa las/ /grol yang srog ltar gces par 'dzin/ /grub pa chen po'i sar gshegs kyang / /da dung grub min spyod pa skyong / /de slad gang gi yon tan ni/ /so skye'i blo yi spyod yul min/ /phye ma leb kyi gshog rtsal gyis/ /rab 'byams zhing gi mtha' snyegs bzhin/ //gnyis pa phrin las kyi rgyun skyong ba'i zhal slob ji ltar byung ba'i tshul ni/ mtshungs pa med pa'i chos kyi rje 'di las/ zab pa dang rgya che ba'i chos kyi bdud rtsi'i bka' drin mang du nos pa la brten nas/ blo gros kyi lus stobs yongs su rgyas par gyur pa'i zhal slob ni stod mnga' ris/ bar dbus gtsang / smad mdo khams rnams su mtha' yas pa zhig bzhugs mod/ de rnams re re nas brjod par ga la nus/ 'dir rags rim tsam dper mtshon na/ dpal e wa~M chos ldan gyi chos kyi khri la zhabs kyi padmo bkod de sde snod rgya mtsho'i don smra ba mkhan chen byams pa bsod nams dpal 'byor pa dang / khyad par sku'i dbon rin po che lhar bcas 'gro ba yongs kyi gtsug rgyan/ mtshan brjod par dka' ba don gyi slad du mtshan nas smros na/ mkhan chen rdo rje 'chang byams pa kun dga' bstan 'dzin bkra shis grags pa'i rgyal mtshan dpal bzang po'i zhal snga nas dang / grub pa'i go 'phang mthon por gshegs kyang / yon tan sbas pa'i tshul gyis 'gro ba rnams 'dren pa dbon rin po che mkhan chen rdo rje 'chang rnal 'byor 'jam dpal bzang po pa ste sku mched gnyis dang / mkhyen pa'i spyan ras gsal ba klu ldings zhabs drung rin po che shar chen ngag dbang bstan pa'i rgyal mtshan pa dang /