[A:132] zab rgyas chos tshul smra ba phan khang zhabs drung rin po che ngag dbang bstan pa rin chen pa dang / gzhan yang dpal e wa~M chos ldan du bzhugs pa'i bla ma dang / slob dpon dang / dge ba'i bshes gnyen gyi tshogs rab tu mang po dang / rgya chen chos kyi spyan ldan rgyal rtse gur pa mkhan po nam mkha' dpal bzang sogs dbus gtsang dang / mnga' ris rnams su bzhugs pa'i bla ma dang dge ba'i bshes gnyen gyi tshogs shin tu mang po dang / mdo khams su bstan pa'i sbyin bdag chen po stobs kyi 'khor los sgyur ba chos rgyal sa dbang bzang po dang / de'i sras rab 'byams gzhung lugs rgya mtsho'i pha rol tu son pa chos rgyal chen po tshe dbang rdo rje rig 'dzin nam phyis rab tu byung ba'i mtshan byams pa kun dga' sangs rgyas bstan pa'i rgyal mtshan du grags pa dang / de'i lha sras che ba dam tshig rdo rje tshe ring rnam rgyal la sogs pa dang / phan tshun chos kyi gsan res mchis pa sde dge'i dbu bla ngag dbang chos 'byor dang / rje btsun rdo rje rnal 'byor ma la sogs pa'i yi dam gyi lha mang po'i bsnyen sgrub mthar phyin pa grub mchog ngag dbang rin chen dang / phyi nang rig pa'i gnas thams cad la thogs pa med pa'i mkhyen rab rgyas pa zhu slob kun dga' don grub dang / nyams dang rtogs pa'i dbang phyug gdong dgon bla ma bstan 'dzin phun tshogs dang / rnal 'byor ma'i snying po 'bru 'bum bco brgyad tsam dang / yi ge drug pa dang / gur gyi mgon po'i bsnyen pa dung phyur re re song ba bla ma dpal ldan phrin las dang / bstan pa rin po cher sman pa'i phrin las can bla ma dge 'dun rgya mtsho dang / gsang sngags rnying ma ba'i ring lugs 'dzin pa lha 'brang bla ma dpal ldan chos rgyal dang / lung rig