[A:133]smra ba sde gzhung bla ma phrin las rab rgyas dang / gzhan yang shar bla ma dkon mchog bkra shis/ bla ma bsod nams rgyal mtshan pa khu mtshan/ nub bla ma dpal ldan rin chen/ 'ba' dbon po bla ma kun dga' ye shes/ drwa sgang slob dpon ngag dbang bzang po/ khra leb chos rje dge legs rgyal mtshan/ tshe gcig tu sgrub pa'i rgyal mtshan 'dzin pa phrin las rab rgyas sogs mdor na zhal slob kyang mkhas btsun bzang gsum 'dzom pa nam mkha'i skar tshogs tsam zhig byung zhing / de rnams kyis kyang 'chad rtsod rtsom gsum la sogs pa'i sgo nas sangs rgyas kyi bstan pa spyi dang bye brag thams cad dar zhing rgyas par mdzad pa yin no/ /'jig rten 'jig rten 'das pa yi/ /dge legs bdud rtsi'i snye ma kun/ /khyod las 'byung phyir de bas na/ /skal bzang dbyar gyi sprin bzhin 'dus/ /khyod tshul nor bu'i bang mdzod las/ /dam chos rin chen legs blangs nas/ /gdul bya'i dbul ba sel mkhas pas/ /yangs pa'i ljongs 'di dog por byas/ /de tshe thub bstan yongs 'du'i ljon/ /rab tu rgyas pa'i ngo mtshar ni/ /zla shel 'od kyis bran pa yi/ /chu gter gyis kyang mtshon ma gyur/ /'khor ba'i rab rib kun 'phrog cing / /chos kyi snang ba rab ster ba'i/ /'gro ba'i sgron me mang bskrun pa'i/ /khyod kyi bka' drin bsam las 'das// //spyi don lnga pa mthar gzugs sku'i bkod pa chos kyi dbyings su bsdus nas slar yang sems can gyi don rgyun mi 'chad pa'i tshul ni/ de ltar dgung lo lnga bcu nga lnga yan chad du zab pa dang rgya che ba'i chos kyi 'khor lo yang dang yang du bskor te/ sras kyi thu bo rnams ni rnam par grol ba'i go 'phang la bkod de/ mtha' yas pa'i