[A:143]mchog ngag dbang rin chen gyis gtsos pa'i dge 'dun mang rab cig gis kun rig la brten pa'i sbyin sreg gi mchod pa phul zhing / de skabs sku gdung rin po che thog mar zhal nub tu bstan nas bzhugs yod pa la/ me cung zad cig bzhes nas zhal byang du phyogs song ba ci yin ma nges gsungs/ de'i tshe'ang me tog gi dbyibs can gyi gangs zim bur babs pa dang / 'ja' zug pa sogs skye bo thams cad kyis mthong ba byung ngo / /de nas zhag bdun nas gdung khang zhal phyes te gdung thal rnams chur gnas kyi sems can mang por phan pa'i ched du zul chur gshegs/ gdung rus 'ga' zhig chos rgyal mchog gis mchod pa'i rten du bzhes/ gdung rus 'ga' zhig 'dur nas mtshal dang rin po che sogs dang bsres te 'dra sku dang gdung rten gyi gzungs gzhug rnams spar spyad mdzad/ de 'phros kyi gdung rus rnams bod du bsnams te dus phyis chu la gnas pa'i sems can mang por phan pa'i slad du zhib par 'dur nas gtsang por gshegs par mdzad song zhing / de dus bdag chung ngu'i dus gdung rus 'dur ba mthong bas spos shin tu dri zhim pas kyang 'gran par mi bzod pa'i dri bzang pos khang pa'i phyi nang thams cad khyab 'gro ba zhig snang / gdung rus phran tshegs 'dra khams phyogs kyi dad ldan 'ga' zhig gi lag tu son par gcig la 'phel gdung kha shas 'khrungs skad thos/ mdor na thugs dam las grol ba nas bzung zhag zhe dgu lhag tsam gyi bar la dge 'dun bcu phrag gcig gis dpal dgyes pa rdo rje'i sgrub mchod chag med dang / dge 'dun nyi shu skor gyis bcom ldan 'das kun tu rig pa'i sgrub mchod zhag zhe dgu'i bar ma chag pa dang / de thams cad la'ang nyin re bzhin dge slong bzhi re la phyag 'gyed ljon 'dab sbag re dang / de'i steng du tshab ra la sogs pa'i bsnyen