[A:18]phyir dang / ngag gi las kyi sgrib pa ma lus pa zad par spangs te de bzhin gshegs pa rnams kyi gsung dbyangs yan lag drug cu thob par bya ba'i phyir dang / gang dag dkar po'i chos kyi gzhi mar med du mi rung ba'i dang 'dod yid ches kyi dad pa ma skyes pa rnams kyi rgyud la dad pa'i sa bon 'jog pa dang / dad pa rnams kyi dad pa'i rtsa ba brtan cing gong nas gong 'phel du 'gyur bar bya ba'i phyir rgya mtsho las chu thigs kyi dpe ltar cung zad tsam zhig brjod pa la dran pa nye bar bzhag par bya'i/ dad pa dang blo gros phun sum tshogs pa'i skye bo dag nyon cig dang thos pa nyid nas don dang ldan par 'gyur ro/ /de ci'i phyir zhe na/ 'jig rten na rigs thams cad kyi nang nas bla mar gyur pa shAkya rnams kyi skye ba'i rabs bzung zhing kun chub par byas nas gzhan la rgya cher bsnyad na chos dang mthun zhing bsod nams kyi phung po dpag tu med pa 'byung la/ yon tan bsam gyis mi khyab pa 'phel bar byed do/ /zhes rigs gang las skyes bu dam pa rnams byon pa'i sngon gyi rabs bsnyad na phan yon rgya chen po 'byung bar dri ma med pa'i mdo sde rnams las mngon sum du gsungs pa'i phyir ro/ /e ma stobs bcu mnga' ba'i nyin mor byed/ /stong phrag 'char ba'i mi mjed zhing khams su/ /rtsod pa'i dus 'dir zas gtsang sras po yis/ /chos tshul nor bu'i sgo 'phar ci yang phyes/ 1 /de rjes 'phags bod mkhas dang grub rnams kyis/ /rgyal bstan dbyar gyi mtsho bzhin spel ba yi/ /grags pa'i rnga yab dkar po srid zhi'i khongs/ /bzung ba med par g.yob pa'i dge mtshan 'bar/ 2 /khyad par mtshan gyi bdud rtsi 'jo ba'i 'od/ /su zhig rna ba'i kundAr reg tsam gyis/ /phan bde'i 'dab stong yongs su grol 'gyur zhes/ /thub pas lung gis rab bsngags kun dga' bzang / 3 /des ni sngon