[A:20]mkhyen pa byams pa nam mkha' 'chi med bkra shis grags pa'i rgyal mtshan dpal bzang po'i rnam thar bshad pa/ de'i dbon bdag cag rnams kyi 'dren pa dam pa mtshan brjod par dka' ba don gyi slad du mtshan nas smos na mkhan chen rdo rje 'chang byams pa kun dga' bstan 'dzin bkra shis grags pa'i rgyal mtshan dpal bzang po'i rnam thar bshad pa/ de'i gcung grub pa'i 'khor los sgyur ba chen po mtshan dngos zur tsam gleng na mkhan chen rdo rje 'chang rnal 'byor 'jam dpal bzang po bkra shis grags pa'i rgyal mtshan dpal bzang po'i rnam par thar pa bshad pa'o/ /de'i dang po ni/ snyigs dus kyi rgyal ba gnyis pa ngor chen rdo rje 'chang kun dga' bzang po'i chos kyi rgyal srid chen por mkhas pa'i phrin las rnam pa gsum gyi 'khor los sgyur ba'i gdan rabs zhe gsum pa dpal chos kyi rje/ chos kyi rgyal po/ chos kyi dbang phyug /chos thams cad kyi 'byung gnas mkhan chen thams cad mkhyen cing gzigs pa chen po byams pa nam mkha' 'chi med ces yongs su grags pa'i ba dan srid zhi'i khongs su mngon par gsal ba gang de'i yon tan 'dzad pa med pa'i gter chen po las/ skye bo tha mal pa rnams kyi blo ngor snang ba'i thun mong gi rnam par thar pa'i me tog 'ga' zhig ming tshig yi ge tshogs pa'i srad bur brgyu bar bya ste/ de la lnga/ sems can gyi don du sprul pa'i sku'i skye ba bzhes pa'i tshul/ rten rnam par dag pa'i ched du rgyal ba'i bstan pa rin po che'i sgor zhugs nas thos bsam sgom gsum gyis rang rgyud grol bar mdzad pa'i tshul/ yon tan bsam gyis mi khyab pa'i phyir bstan pa'i bdag po chen por mnga' gsol nas