[A:22]kyi ye shes sgyu 'phrul drwa ba'i rol pa las byung ba'i lung dang rig pa smra ba bsam las 'das par byon pa rnams kyis mdo dang sngags kyi chos tshul mang po'i sgo 'phar yangs por phye ba'i gnas/ yon tan rin po che du ma'i 'byung gnas dpal e wa~M chos ldan zhes grags pa'i 'od zer ring por 'phro ba de dang nye ba'i sa phyogs rtsen rgya mtsho gling zhes par/ rje 'di'i yab ni/ e wa~M chos ldan gyi gdan rabs so gnyis pa brang ti mkhas pa'i rigs su sku 'khrungs pa'i mkhan chen nam mkha' bsam 'grub ces 'jig rten na yon tan mang po'i mdzod 'dzin pa'i bla ma rnams kyi yang bla mar gyur pa de'i rus kyi dbon por gyur pa/ de'ang thar rtse zhabs drung dpal ldan chos skyong zhes 'phags yul gyi grub pa'i slob dpon chen po dpal ldan bi rU pa'i rnam 'phrul du grags pa/ gzhi tshul khrims rnam par dag pas rgyud mdzes shing / zab pa dang rgya che ba'i chos tshul mang po thugs la mnga' ba/ dbang bskur ba la sogs pa'i chos 'chad spel gang mdzad kyang tshar re tsam gzigs pas tshig don mtha' dag khong du chud pa sogs skyes thob kyi shes rab phul du son pa/ dus rgyun du phyag rdzas sogs la 'dzin chags til 'bru tsam yang mi mnga' ba/ mthar zhi bar gshegs pa'i tshe yang sku gdung gru gang cung med tsam las ma lus pas pur bzhu sogs la sku gdung ka To ra'i nang du gdan drangs pas chog pa sogs ngo mtshar ba'i rnam thar mang du yod pa de dang yab yum gcig pa'i sku mched du gyur pa/ lugs gnyis kyi shes bya thams cad la mkhyen pa'i spyan ras gsal zhing / dkon mchog la dad pa dang / sems can la snying rje sogs ya rabs kyi yon tan yongs su