[A:26]rtse nas khu bo zhabs drung dpal ldan chos skyong dgongs pa zhi dbyings su gtad/ de skabs thar rtser mi med rgyu med lta bu'i nyag phra bar brten dpal ldan sa skya'i bla sman pa chen po zhal dkar bas/ ngor gyi zur bzhi thar rtse par/ dbon rgyud sogs ci yang yod skad ma thos pas/ de'i 'dzin ba dag byed chog par dpal sa skya'i 'jam mgon chen por snyan sgron phul kyang / ngor pa rnams kyis dbon po rje 'di pa yod tshul gser snyan du gsol te/ dgung lo drug tu son pa lcags pho stag gi lor/ sa la gnas pa'i 'og min chen po dpal e waM chos ldan gyi bla brang thar pa rtser phebs/ ga zi drung yig tu grags pas 'bri klog sogs brda bstan pa tsam gyis tshegs med du mkhyen/ de nas bzung dgung lo bcu drug pa'i bar la e wa~M pa'i 'don tshogs yongs su rdzogs pa thugs 'dzin dang / de dag gi gdangs dbyangs/ rnga dang rol mo'i tshigs/ thig rdul tshon la sogs pa mdor na phyag len phra mo tshun chod kyang dpyis phyin par mdzad/ lhag par 'jam mgon sa skya paNDi ta chen pos mdzad pa'i bstan bcos sdom gsum rab dbye/ chos rje dkon mchog lhun grub pas mdzad pa'i rgyud bshad kyi sngon 'gro tshul gsum mdzes rgyan/ rgyud kyi mngon par rtogs pa ljon shing mdzes rgyan/ dpal kye rdo rje'i rtsa ba'i rgyud brtag pa gnyis pa ste ngor pa'i gzhung chung bzhir grags pa rnams dang / dkon mchog lhun grub pas mdzad pa'i gsung ngag lam 'bras kyi sngon 'gro snang gsum mdzes rgyan/ dngos gzhi rgyud gsum mdzes par byed pa'i rgyan bcas dang / rgyud spyi la dgos pa'i chos snar sa chen gyis mdzad pa'i rgyud sde'i dum bu brgya bcu gsum pa/ slob dpon rin po che bsod nams rtse mos mdzad pa'i rgyud sde spyi'i rnam par gzhag